23.11.2024 | 00:16
Փաշինյանը պատմեց՝ ինչու որոշեց սափրել մորուքը. ՏԵՍԱՆՅՈՒԹ
Թուրքիայի փոխնախագահն ու ԱԳ նախարարը կմասնակցեն Իրանի նախագահի հուղարկավորությանը
Քաղաքականություն
21.05.2024 | 17:24
Թուրքիայի փոխնախագահ Ջևդեթ Յըլմազը և արտգործնախարար Հաքան Ֆիդանը կմասնակցեն Իրանի նախագահ Էբրահիմ Ռաիսիի հուղարկավորության արարողությանը, որը տեղի կունենա մայիսի 22-ին: Այս մասին հայտնում են թուրքական լրատվամիջոցները։
Թուրքիայում նաև մեկօրյա սուգ է հայտարարվել։
«Մենք որոշել ենք մեկօրյա համազգային սուգ հայտարարել՝ կիսելու Իրանի ժողովրդի ցավը»,- ասել է Թուրքիայի նախագահ Ռեջեփ Թայիփ Էրդողանը։
Հիշեցնենք, որ Իրանի նախագահ Էբրահիմ Ռաիսին, ԱԳ նախարար Հոսեյն Ամիր Աբդոլլահիանը և պատվիրակության մյուս անդամները զոհվել են ուղղաթիռի կործանման հետևանքով։ Իրանի առաջին փոխնախագահ Մոհամմադ Մոխբերը ժամանակավորապես կատարում է զոհված նախագահ Էբրահիմ Ռաիսիի պարտականությունները։ Ողբերգության կապակցությամբ Իրանում 5-օրյա սուգ է հայտարարվել։
Իրանում նախագահական ընտրությունները տեղի կունենան հունիսի 28-ին։
