29.05.2026 | 23:37
Երևանում կկայանա «Rise» ռազմարդյունաբերական ցուցահանդեսը. կներկայացվեն նախկինում երբևէ չցուցադրված նմուշներ
Թուրքիան իր կողմից արդիականացված Սու-25 կործանիչը փոխանցել է Ադրբեջանին
Քաղաքականություն
21.05.2024 | 16:19
Ադրբեջանի ռազմաօդային ուժերը համալրվել են Թուրքիայի կողմից արդիականացված «Լաչին» անունը կրող Սու-25 ՄԼ կործանիչով։ Այս մասին հայտնում են ադրբեջանական լրատվամիջոցները՝ վկայակոչելով թուրքական ավիացիոն և տիեզերական արդյունաբերության ընկերությանը։
Նշվում է, որ կործանիչն իր անալոգներից տարբերվում է մի շարք հատկանիշներով. այն հագեցած է կառավարվող ռումբերով և Teber հրթիռներով, ինչպես նաև սարքավորումներով, որոնք թույլ են տալիս կառավարել թևավոր հրթիռները։ Այդ ամենն արտադրված է Թուրքիայում։
Հաղորդվում է նաև, որ այն համալրվել է KGK լազերային հրթիռների ուղղորդման համակարգով։ KGK-ի հիմնական առավելությունը հրթիռն ուղղորդելու հնարավորությունն է՝ թիրախը խոցելու մինչև 110 կիլոմետր հեռավորության վրա, ինչպես նաև 37 կիլոմետրից ավելի բարձրությունից արձակված հրթիռը ճշգրիտ ուղղորդելու հնարավորությունը: Կործանիչը համալրվել է նաև ANS/KKS ծրագրային ապահովմամբ՝ թռիչքի հեռահարությունը թևերի բացմամբ ավելացնելով և մեծացնելով եղանակային ծանր պայմաններում հսկողություն իրականացնելու ունակությունը:
