09.09.2026 | 23:17
Ինչ ե քննարկել Փաշինյանը և Մակրոնը. Կառավարությունը մանրամասներ է ներկայացրել
Թավրիզում Ռայիսիի հիշատակին նվիրված արարողություն է անցկացվում
Քաղաքականություն
21.05.2024 | 11:01
Իրանի Արևելյան Ադրբեջան նահանգի մայրաքաղաք Թավրիզում սկսվել է մահացած նախագահ Էբրահիմ Ռայիսիի հիշատակին նվիրված արարողությունը, հայտնում է AFP-ն՝ վկայակոչելով երկրի պետական հեռուստատեսությանը։
Նմանատիպ արարողություններ են նախատեսվում երկրի տարբեր քաղաքներում մինչև հուղարկավորությունը՝ հինգշաբթի օրը։ Հիմնականը տեղի կունենա չորեքշաբթի օրը մայրաքաղաք Թեհրանում, որը կղեկավարի հոգևոր առաջնորդ այաթոլլա Ալի Խամենեին, փոխանցում է BBC-ի ռուսական ծառայությունը։
Ինչպես նշում է BBC-ի թղթակից Լիզ Դուկետը, Իրանի պահպանողական ղեկավարությունը ձգտում է նման միջոցառումներով ցույց տալ իր ուժն ու միասնությունը հատկապես այն բանից հետո, երբ նման նշանավոր գործչի մահը երկրի որոշ շրջանակներում ոչ թե վշտի, այլ ցնծության տեսարաններ առաջացրեց։
