07.10.2026 | 12:01
Թրամփը հայտնել է, որ Պուտինի հետ հեռախոսազրույց կունենա Ռուսաստանում ժանտախտի իրավիճակի հետ կապված
Ալիևը հայտարարել է, թե «տարածաշրջանում խաղաղության հասնելու պատմական հնարավորություններ են առաջացել»
Քաղաքականություն
20.05.2024 | 20:40
Ադրբեջանի նախագահ Իլհամ Ալիևն ընդունել է Լատվիայի Սեյմի նախագահ Դայգա Միերինայի գլխավորած պատվիրակությանը։ Ադրբեջանական կողմի փոխանցմամբ՝ ընդգծելով երկրների միջև երկկողմ հարաբերությունների հաջող զարգացումը՝ Ալիևը նշել է, որ պետությունների ղեկավարների և այլ մակարդակներով փոխայցելությունները նպաստում են երկկողմ կապերի ընդլայնմանը։
Նա նաև նշել է, թե «Ադրբեջանի տարածքային ամբողջականությունն ու ինքնիշխանությունն ապահովելուց հետո տարածաշրջանում խաղաղության հասնելու պատմական հնարավորություններ են առաջացել»։ Ալիևը կրկին դժգոհել է ԵԱՀԿ Մինսկի խմբի գործունեությունից՝ նշելով, որ համանախագահները որևէ արդյունքի չեն հասել։
Նշելով, որ «ներկայում կան շատ լավ և բարենպաստ հնարավորություններ խաղաղության օրակարգը խթանելու համար»՝ Ալիևն ասել է, որ երկկողմ գործընթացի շրջանակում «դրական պայմանավորվածություններ են ձեռք բերվել սահմանների սահմանազատման և սահմանագծման հարցում»։
Ադրբեջանի նախագան անդրադարձել է նաև Լատվիայի խորհրդարանի խոսնակի՝ Արցախ այցին։ Ընդգծելով, որ պատվիրակությանը հնարավորություն է ընձեռվել այցելել Ղարաբաղ՝ Լատվիայի Սեյմի նախագահն ասել է, որ իրենք ուրախ են այցելել Շուշի և Արցախի այլ վայրեր։
Հիշեցնենք, որ Դայգա Միերինայի գլխավորած պատվիրակությունը նախօրեին այցելել էր Արցախի Վարանդա և Շուշի քաղաքներ։
