01.11.2024 | 14:29
Լավրովն Ուկրաինայում պատերազմի մեկնարկից ի վեր առաջին անգամ կայցելի ԵՄ անդամ երկիր
Լատվիայի խորհրդարանի նախագահն այցելել է Շուշի
Քաղաքականություն
20.05.2024 | 13:03
Լատվիայի խորհրդարանի նախագահ Դայգա Միերինայի գլխավորած պատվիրակությունը նախօրեին այցելել է Արցախի Վարանդա և Շուշի քաղաքներ։
Ադրբեջանական լրատվամիջոցների հաղորդմամբ՝ լատվիական պատվիրակության անդամները շրջայց են կատարել հայաթափված քաղաքում, նրանց ուղեկցել է Շուշիում Ադրբեջանի նախագահի հատուկ ներկայացուցիչ Այդին Քերիմովը։ Բացի այդ, Միերինայի պատվիրակությանն ուղեկցել են Միլլի Մեջլիսի փոխնախագահ Ադիլ Ալիևը, պատգամավորներ Քյամրան Բայրամովը, Քենուլ Նուրուլլաևան և Լատվիայում Ադրբեջանի դեսպան Էլնուր Սուլթանովը։
Հիշեցնենք, որ վերջին շրջանում Բաքուն հիմնահատակ ավերել է Շուշիի հայկական Կանաչ ժամ եկեղեցին, Ղազանչեչցոց հայկական գերեզմանոցը, ինչպես նաև Քարին տակ գյուղը։
Հավելենք, որ դեռևս 2022 թվականին ապրիլին Շուշի էր այցելել Լատվիայի փոխվարչապետ, պաշտպանության նախարար Արտիս Պաբրիկսը։ Նա հայկական քաղաքում մասնակցել էր լատվիացի նկարչուհի Դացե Շտրաուսեի «Ղարաբաղյան ձիեր» ցուցահանդեսին։
Էմմա Չոբանյան
