21.07.2026 | 23:30
Էլեկտրամատակարարման ընդհատումներ՝ Երևանում ու մարզերում
Պեսկովը հայտարարել է, թե ՌԴ-ն պատրաստ է եղել Հայաստանում գտնվող երկու ուղղաթիռ ուղարկել Իրան՝ Ռաիսիի ուղղաթիռը որոնելու
Քաղաքականություն
20.05.2024 | 15:39
Ռուսաստանը պատրաստ է եղել Հայաստանում գտնվող երկու ուղղաթիռ ուղարկել Իրան՝ նախագահ Էբրահիմ Ռաիսիի որոնումների համար։ Այս մասին լրագրողներ հետ զրույցում հայտարարել է ՌԴ նախագահի մամուլի խոսնակ Դմիտրի Պեսկովը, գրում է argumenti.ru-ն՝ վկայակոչելով ՌԻԱ Նովոստիին։
«Մենք պատրաստ էինք, շատ սերտ համագործակցություն կար ԱԻՆ-ի և ՊՆ-ի միջև, պատրաստվել էր Հայաստանում գտնվող երկու ուղղաթիռ, որոնք եղանակային պայմանների նորմալացման դեպքում նույնպես պետք է տեղափոխվեին Իրան և այնտեղ հիմնական խմբի հետ Թավրիզում հանդիպեին՝ շտապ միանալու որոնողափրկարարական գործողությանը»,- ասել է Պեսկովը։
Նա նաև նշել է, որ իրանական կողմը դեռ չի դիմել Ռուսաստանին նախագահ Էբրահիմ Ռաիսիի ուղղաթիռի կործանման հետաքննության հարցում օգնելու խնդրանքով։
Հիշեցնենք, որ Իրանի նախագահ Էբրահիմ Ռաիսին, արտաքին գործերի նախարար Հոսեյն Ամիր Աբդոլլահիանը և Ադրբեջան կատարած այցից վերադարձող պատվիրակության մյուս անդամները զոհվել են ուղղաթիռի կործանման հետևանքով։
Իրանի առաջին փոխնախագահ Մոհամմադ Մոխբերը ժամանակավորապես կկատարի զոհված նախագահ Էբրահիմ Ռաիսիի պարտականությունները։
Ողբերգության կապակցությամբ Իրանում 5-օրյա սուգ է հայտարարվել։
