ԱՄՆ-ը կարող է պատժամիջոցներ սահմանել Վրաստանի քաղաքական գործիչների նկատմամբ․ Politico

Լուրեր

21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
21.11.2026 | 15:35
Վաղը պաշտոնապես կազդարարենք ԹՐԻՓՓ նախագծի մեկնարկը․ Նիկոլ Փաշինյան
21.11.2026 | 15:08
Նոյեմբերի 22-ին և 25-ին Հայաստանում սպասվում են ինտենսիվ տեղումներ և ուժեղ քամի
21.11.2026 | 14:52
ՀՖՖ նախագահի պաշտոնում առաջադրվել է երկու թեկնածու
21.11.2026 | 14:07
Զելենսկի․ Ղրիմի կամուրջը չի պահպանվի, Պուտինը պետք է դա հասկանա, իսկ Ռուսաստանը պետք է զգա, թե ինչ է պատերազմը
21.11.2026 | 13:33
ՀՀ-ԵՄ վիզաների ազատականացման գործընթացն ու սահմանների կառավարման բարեփոխումները քննարկվել են ICMPD-ի փոխտնօրենի հետ
Բոլորը

Պաշտոնյաները, որոնք պատասխանատու են Վրաստանի «օտարերկրյա գործակալների» մասին ռուսական օրինակով օրենքն առաջ մղելու համար, կարող են բախվել ակտիվների սառեցման և ճանապարհորդությունների արգելքների՝ համաձայն նոր օրինագծի, որը պատրաստվում են ներկայացնել ԱՄՆ Կոնգրես, հայտնում է Politico-ն։

Օրինագծի նախագիծը, որը հայտնվել է լրատվամիջոցի տրամադրության տակ, նախազգուշացնում է, որ իշխող «Վրացական երազանք» կուսակցությունն «ավելի ու ցավալիորեն որդեգրում է Ռուսաստանի Դաշնության հետ հաշտեցման քաղաքականությունը»՝ որպես «ավելի անազատ ​​շրջադարձի մի մաս»: Նշվում է նաև, որ Թբիլիսին «բացահայտ հարձակվել է ԱՄՆ-ի և ժողովրդավարությունը խթանող այլ արևմտյան կազմակերպությունների, ինչպես նաև տեղական ու միջազգային քաղաքացիական հասարակության վրա՝ մինչ ձգտում է ընդլայնել կապերը հատկապես Ռուսաստանի, ինչպես նաև Չինաստանի հետ»։

Հարավային Կարոլինայից Հանրապետական ​​կուսակցության ներկայացուցիչ Ջո Ուիլսոնն օրինագիծը կներկայացնի երկուշաբթի՝ ըստ գործընթացին մոտ կանգնած աղբյուրի: Օրինագծի պայմանները կպարտադրեն ամերիկյան բարձրաստիճան պաշտոնյաներին տեղեկացնել Կոնգրեսին «Վրաստանում ոչ պատշաճ քաղաքական ազդեցության, կլեպտոկրատիայի և էլիտար կոռուպցիայի հանգույցների», ինչպես նաև ռուսական և չինական  հետախուզության կասկածելի ակտիվների մասին:

Լրատվամիջոցը հայտնում է, որ որպես «ժողովրդավարության պաշտպանության և ապահովման» ջանքերի մաս՝ օրինագիծը պատժամիջոցներ կսահմանի պետական ​​պաշտոնյաների և այլ անձանց նկատմամբ, որոնք «նյութական պատասխանատվություն ունեն Վրաստանում ժողովրդավարությունը, մարդու իրավունքները կամ անվտանգությունը խարխլելու, վնասելու համար»: Այն վիզաների արգելք կսահմանի քաղաքական գործիչների և նրանց ընտանիքների անդամների նկատմամբ, որոնք պատասխանատու են «ռուսական ոճով օտարերկրյա գործակալների մասին վերջին օրենսդրության» ընդունման համար։

Պատժամիջոցները թիրախավորելու են նաև Վրաստանի իրավապահ մարմիններին և անվտանգության ծառայություններին, որոնք ճնշել են «օտարերկրյա գործակալների» մասին օրինագծի դեմ բողոքի ցույցերը:

Պարբերականի աղբյուրը հայտնել է, որ օրինագծի տեքստը մշակվել է ամիսներ առաջ՝ մտավախությունների պատճառով, որ «Վրացական երազանքը» կրկին կներդնի «օտարերկրյա գործակալների» մասին օրենքը:

Վրաստանի խորհրդարանի ամենամեծ ընդդիմադիր դաշինքի՝ «Միացյալ ազգային շարժում» կուսակցության առաջնորդ Թինա Բոկուչավան լրատվամիջոցի հետ զրույցում հույս է հայտնել, որ ամերիկացի օրենսդիրները կաջակցեն օրինագծին։

«Բիձինա Իվանիշվիլիի դեմ պատժամիջոցները վաղուց ուշացած են, բայց որպեսզի ԱՄՆ-ի կողմից մշակվող միջոցառումներն իրական լինեն, դրանք պետք է անցնեն Իվանիշվիլիի սահմաններից և թիրախավորեն «Վրացական երազանքի» ղեկավար կառույցին ամենաբարձր մակարդակով, ներառյալ՝ նրանց, որոնք ղեկավարել են խաղաղ ցուցարարների դաժան ճնշումը վերջին շաբաթներին»,- ասել է նա:

Էմմա Չոբանյան