24.04.2026 | 20:30
Թբիլիսիի Խոջիվանքի պանթեոնում ոգեկոչել են Հայոց ցեղասպանության զոհերի հիշատակը
Իրանի նախագահին տեղափոխող ուղղաթիռը կործանվել է, փրկարարները փորձում են հասնել դեպքի վայր
Քաղաքականություն
19.05.2024 | 18:32
Իրանի նախագահ Իբրահիմ Ռաիսիին տեղափոխող ուղղաթիռը վթարի է ենթարկվել, փրկարարները փորձում են հասնել դեպքի վայր․ գրում է իրանական IRNA գործակալությունը։
Իրանի ներքին գործերի նախարար Ահմեդ Վահիդին պետական հեռուստատեսությանը հաստատել է, որ 63-ամյա նախագահ Ռաիսիին տեղափոխող ուղղաթիռներից մեկը կոշտ վայրէջք է կատարել կիրակի օրը՝ հավելելով, որ փրկարարական խմբերին խոչընդոտում են եղանակային բարդ պայմանները:
Միջադեպը տեղի է ունեցել Ջոլֆա և Վարզաքան քաղաքների միջնամասում։
Նախագահ Ռաիսին վերադառնում էր Իրան-Ադրբեջան սահմանին կառուցված ամբարտակի բացման արարողությունից։
Ուղղաթիռում եղել են նաև արտաքին գործերի նախարար Հոսեյն Ամիրաբդոլլահյանը, Արևելյան Ադրբեջան նահանգի նահանգապետ Մալեք Ռահմատին, Թավրիզի ուրբաթօրյա աղոթքի առաջնորդ Հոջաթոլեսլամ Ալ Հաշեմը և մի շարք ուրիշներ։
Լուսանկարը՝ 2022 թ․, հուլիսի 31
