21.07.2026 | 23:30
Էլեկտրամատակարարման ընդհատումներ՝ Երևանում ու մարզերում
Կիրանցեցիները հավաքվել են գյուղի կենտրոնում, նշում են` դեմ են մարզպետի առաջարկներին
Քաղաքականություն
17.05.2024 | 13:56
Կիրանց գյուղի կենտրոնում բնակիչները քննարկում են սահմանազատման վերաբերյալ արձանագրության ստորագրումից հետո ստեղծված իրավիճակը։ Այսօր մարզպետ Հայկ Ղալումյանը գյուղացիներից մի քանիսի մասնակցությամբ փակ հանդիպում է ունեցել, որտեղ մարզպետը, ըստ բնակիչների, ասել է, թե կայացված որոշումները փոփոխությունների ենթակա չեն։
Ըստ կիրանցեցիների՝ մարզպետը խոսել է այն բնակիչների գումարային փոխհատուցումից, որոնց գույքերը սահմանազատումից հետո հայտնվում են ադրբեջանական կողմում։ Գյուղացիներն ասում են՝ դեմ են առաջարկին՝ նշելով, որ «Քաղաքացիական պայմանագիր» կուսակցության ներկայացուցիչները և սահմանազատման պատասխանատուները դեռ ամիսներ առաջ հավաստիացրել էին, որ սահմանազատման գործընթացը տեղի կունենա հօգուտ գյուղացիների։
Կիրանցում պնդում են, որ այն 3 զգայուն կետերում, որոնց մասին անցած շաբաթ խոսում էր վարչապետը, սյուները տեղադրվել են՝ ոչ նպաստավոր իրավիճակ ստեղծելով։ Դրա հետևանքով առնվազն երկու տուն, գյուղի կամուրջն ու մեկ շինություն անցնում են Ադրբեջանին։
Նարեկ Կիրակոսյան
