01.11.2024 | 10:33
Պիստակներում թաքցված թմրամիջոց․ Իրանի քաղաքացիներ են ձերբակալվել
Սլովակիայի վարչապետի դեմ մահափորձի հեղինակին ցմահ ազատազրկում է սպառնում
Քաղաքականություն
16.05.2024 | 22:27
Ոստիկանությունը մեղադրանք է առաջադրել Սլովակիայի վարչապետ Ռոբերտ Ֆիցոյի դեմ մահափորձ իրականացրած անձի դեմ՝ դիտավորյալ սպանության փորձ հոդվածով, հայտնում է Dennik N-ը։
71-ամյա գրող Յուրայ Ցինտուլիին սպառնում է 25 տարուց մինչև ցմահ ազատազրկում։
«Այն, որ կրակողը գործել է վրեժխնդրությունից դրդված և սահմանադրական պաշտոնյայի, այսինքն՝ պաշտպանված անձի նկատմամբ, կլինի ծանրացուցիչ հանգամանք, որը կարող է որոշել նրա վերջնական պատիժը»,- ասվում է հաղորդագրության մեջ։
Տղամարդը ներկայում Նիտրա նահանգի քրեական ազգային գործակալության բանտախցում է:
Հիշեցնենք, որ Ռոբերտ Ֆիցոյի վրա հարձակումը տեղի էր ունեցել մայիսի 15-ին Հանդլովա քաղաքում, որը գտնվում է Սլովակիայի կենտրոնական հատվածում: Ականատեսների փոխանցմամբ՝ Սլովակիայի վարչապետը կառավարության արտագնա նիստից հետո մոտեցել է տեղի բնակիչներին, որից հետո կրակոցներ են հնչել: Standard պարբերականը հայտնել էր, որ քաղաքական գործիչը վիրավորվել է որովայնի, ձեռքի և ոտքի շրջաններում: Ֆիցոյին ուղղաթիռով տեղափոխել են Բանսկա Բիստրիցա քաղաք, որտեղ նա վիրահատվել է։
Վարչապետի ուղղությամբ կրակած տղամարդը տեղում ձերբակալվել է: Լրատվամիջոցների տվյալներով՝ հարցաքննվել է նաև նրա կինը։ Ձերբակալվածի որդին aktuality.sk-ին պատմել է, որ հայրը զենք կրելու օրինական իրավունք է ունեցել։
