06.04.2026 | 18:17
Որքան է ծախսել «Լուսավոր Հայաստան»-ը․ Մարուքյանը կուսակցության ֆինանսավորմանը մասնակցություն չի ունեցել
Սլովակիայի վարչապետին նոր վիրահատություն է սպասվում
Քաղաքականություն
16.05.2024 | 16:16
Սլովակիայի վարչապետ Ռոբերտ Ֆիցոյին, որի դեմ նախօրեին մահափորձ է իրականացվել, նոր վիրահատություն է սպասվում։ Այս մասին գրում է ՏԱՍՍ-ը՝ հղում կատարելով սլովակյան ԶԼՄ-ներին։
Հինգ ժամ տևած վիրահատության ընթացքում բժիշկներին հաջողվել է կանգնեցնել Ֆիցոյի որովայնի խոռոչի արյունահոսությունը։ Արյունը նոսրացնող դեղամիջոցները կարող են խնդիրներ առաջացնել: Վարչապետին սպասում է ազդրի հոդի վիրահատություն, նշել են աղբյուրները։
Ռոբերտ Ֆիցոյի դեմ մահափորձ է իրականացվել Բրատիսլավայից 190 կիլոմետր հեռավորության վրա գտնվող Հանդլովա քաղաքում։ Կառավարության արտագնա նիստից հետո վարչապետը դուրս է եկել հավաքված քաղաքացիների մոտ, ինչի ժամանակ էլ հինգ կրակոց է հնչել։ Ըստ լրատվամիջոցների՝ Ֆիցոն վիրավորվել է ուսի և որովայնի շրջանում։ Նրան ուղղաթիռով տեղափոխել են Բանսկա Բիստրիցայի հիվանդանոց և վիրահատել, իսկ հետո արհեստական կոմայի մեջ գցել։
Կրակողը բերման է ենթարկվել։ Սլովակյան ԶԼՄ-ների հաղորդմամբ՝ նա 71-ամյա գրող Յուրայ Ցինտուլան է: Ըստ ՆԳՆ-ի՝ նա առաջնորդվել է քաղաքական դրդապատճառներով։
