Հասարակություն
16.05.2024 | 12:01
Կառավարության շենքի դիմաց «Տավուշը հանուն հայրենիքի» շարժման նախաձեռնած ակցիայի ժամանակ ոստիկանության բաժին երեք հոգի է բերման ենթարկվել։ Այս մասին Factor.am-ին հայտնում են ՆԳՆ ոստիկանությունից։ Նախարարությունից տեղեկացնում են, որ ակցիայի մասնակիցները բերման են ենթարկվել ոստիկանի օրինական պահանջը չկատարելու հիմքով։
Նշենք, որ «Տավուշը հանուն հայրենիքի» շարժման առաջնորդ Բագրատ Սրբազանի կոչով քաղաքացիները հավաքվել են կառավարության շենքի դիմաց, որտեղ կառավարության հերթական նիստն է տեղի ունենում: Կառավարության շենքի մոտ մեծ թվով ոստիկանական ուժեր կան։
