11.08.2026 | 11:21
RAF. Արման Ծառուկյանը կմենամարտի Քոնոր Մաքգրեգորի ընկերոջ հետ
ԱՄՆ-ում եղբայրները դատարանի առջև են կանգնել՝ 12 վայրկյանում 25 միլիոն դոլարի կրիպտոարժույթ գողանալու համար
Քաղաքականություն
16.05.2024 | 23:24
Երկու եղբայրներ, որոնք ավարտել են Մասաչուսեթսի հեղինակավոր տեխնոլոգիական ինստիտուտը (MIT), ԱՄՆ-ում մեղադրվում են ընդամենը 12 վայրկյանում 25 միլիոն դոլար արժողությամբ Ethereum կրիպտոարժույթ գողանալու համար, գրում է BBC-ի ռուսական ծառայությունը։
24-ամյա Անտոն Պերե-Բուենոն և 28-ամյա Ջեյմս Պերե-Բուենոն մեղադրվում են խարդախության և փողերի լվացման մեջ:
ԱՄՆ Արդարադատության նախարարությունը հայտարարել է, որ կողոպուտն իր տեսակի մեջ առաջինն է: Դատախազներն ասում են, որ եղբայրները գողությունը կատարել են 2023 թվականի ապրիլին։
«Եղբայրները գողացել են 25 միլիոն դոլար՝ Ethereum կրիպտոարժույթով, տեխնոլոգիապես բարդ, առաջադեմ սխեմայի միջոցով, որը նրանք մշակել են ամիսների ընթացքում և իրականացրել մի քանի վայրկյանում»,- ասել է գլխավոր դատախազի տեղակալ Լիզա Մոնակոն:
Ըստ դատախազների՝ եղբայրներն «օգտագործել են մասնագիտական հմտություններ, որոնք սովորել են աշխարհի ամենահեղինակավոր համալսարաններից մեկում»։
Նրանք, իբր, խաբեությամբ մուտք են գործել համակարգում առկա գործարքներ, այնուհետև գաղտնալսել դրանց մասնակիցներին և ձեռք բերել իրենց զոհերի կրիպտոարժույթը:
