Մերկելը տարածքային ամբողջականության մասին չխոսեց Բաքվում․ այն, ինչ Ղարաբաղի հարցում սպասում էին, չկայացավ․ Արման Նավասարդյան․ ՏԵՍԱՆՅՈՒԹ

ՀՀ արտակարգ և լիազոր դեսպան Արման Նավասարդյանի համոզմամբ՝ Գերմանիայի կանցլեր Անգելա  Մերկելի հայաստանյան այցի շրջանակում  մեծ ուշադրություն էր կենտրոնացվել այն հարցի վրա՝ արդյոք նա կարտասանի «Ցեղասպանություն» բառը։

 «Ցեղասպանության թանգարան և Ծիծռենակաբերդ այցելությունն ասում է այն մասին, որ Մերկելը փաստում է Եղեռնը, բայց այդ բառը չի արտասանում: Ես, աստիճանաբար, գալիս եմ այն եզրակացության, որ, ընդհանրապես, միջազգային հարաբերություններում, այդ թվում ԱՄՆ-ի հարցում, անկյան գլխին դնել այդ բառի արտասանումը՝ ճանաչեց, թե ոչ, այսօրվա դրությամբ չի աշխատում մեր շահերի օգտին երկկողմ հարաբերություններում։ Ես կարծում եմ՝ ավելի լավ է չասել «Ցեղասապնություն» բառը, բայց դրա փոխարեն ունենալ հաջողություններ բոլոր բնագավառներում»,-այսօր լրագրողների հետ հանդիպման ժամանակ ասաց Արման Նավասարդյանը։

Արտակարգ և լիազոր դեսպանի խոսքով՝ տարածաշրջանային զարգացումների համատեքստում՝ Անգելա Մերկելի այցը ևս շատ կարևոր էր։

«Վրաստանում նա արտասնեց տարածքային ամբողջականություն եզրը՝ նկատի ունենալով Վրաստանի քաղաքական իրավիճակը։ Հայաստանում չարտասանեց «Ցեղասպանություն»  բառը, բայց չասվեց նաև Ղարաբաղի հարցում տարածքային ամբողջականության պաշտպանության մասին։ Բաքուն մեծ սպասումներ ուներ, և տարածքային ամբողջականության մասին չասվեց նաև այնտեղ, փաստորեն, այն, ինչ Ղարաբաղի հարցում նրանք սպասում էին, չկայացավ»։ 

Մանրամասները՝ տեսանյութում։