21.03.2026 | 20:02
ԱՄՆ-ի Հավայի նահանգում 5,5 հազար մարդ կտարհանվի ջրհեղեղի պատճառով
Եկեղեցու վրա բացասական հետևանք կունենա քաղաքական գործընթացի մասնակցելը․ անախորժ վիճակը տեղափոխվեց Սփյուռք․ Համբիկ Սարաֆյան․ ՏԵՍԱՆՅՈՒԹ
Տնտեսություն
14.05.2024 | 18:30
Օրերս Սոցիալ Դեմոկրատ Հնչակյան Կուսակցության Կենտրոնական Վարչությունը խոր մտահոգություն է հայտնել Հայաստանի վերջին իրադարձությունների կապակցությամբ, մասնավորապես «Տավուշը հանուն հայրենիքի» շարժման մեջ Հայոց Առաքելական Եկեղեցու ստանձնած դերակատարության վերաբերյալ: Կուսակցությունը նշել է, որ «չափազանց ցավալի և անընդունելի է Մայր Աթոռ Ս. Էջմիածնի քաղաքական պայքարի մեջ ներքաշվելն ու բացահայտորեն այդ շարժման հովանավորությունն ու առաջնորդությունը ստանձնելը»:
Մինչդեռ, եկեղեցականներն ասում են, որ վտանգված է հայրենիքը, որ ՀՀ իշխանությունը Ադրբեջանին է հանձնում հայկական տարածքներ, որ միակողանի զիջումներ են արվում։ Քաղաքական այս ուժը քննադատել է նաև ՀԱԵ-ին՝ «իշխանափոխության հերթական փորձին մեղսակից» լինելու մեջ, փոխանակ՝ հանդիսանալու «համայն հայությունը համախմբող և զորաշարժի ենթարկող ուժ»։ Բայց նրանք էլ մեղադրում են իշխանությանը՝ համազգային նպատակներին դավաճանելու մեջ, հոգևոր և ազգային արժեքներին հարվածելու մեջ։
Factor TV-ի հետ զրույցում Սոցիալ-դեմոկրատ հնչակյան կուսակցության Կենտրոնական վարչության ատենապետ Համբիկ Սարաֆյանը նշում է, որ իրենց մտահոգել է հատկապես սփյուռքյան հոգևոր կառույցների՝ ընդդիմության հավաքներին աջակցող հայտարարությունները․ «Մտահոգիչ է այն, որ Հայաստանում տիրող անախորժ մթնոլորտը տեղափոխվեց նաև Սփյուռք։ Սա իր բացասական հետևանքները կունենա եկեղեցու հեղինակության համար։ Խնդիրն այն է, որ միակողմանիորեն մասնակից է դարձել քաղաքական գործընթացներին»,- կարծիք է հայտնում Համբիկ Սարաֆյանը։
Նա խոսել է նաև Հայաստան-Սփյուռք հարաբերություններում շտկումներ կատարելու, միասնական օրակարգ ձևավորելու, պետության կյանքում եկեղեցու դերը վերափոխելու, Հայաստանի և Ադրբեջանի միջև խաղաղության պայմանագիր կնքելու անհրաժեշտության, այլ խնդիրների մասին։
Հարցազրույցն ամբողջությամբ՝ տեսանյութում։
Ռոբերտ Անանյան
