12.12.2024 | 16:28
Մեծ Բրիտանիայում նոր հակադրոնային լազեր են փորձարկել
Հունաստանի վարչապետը Թուրքիայում է․ ընթանում է Էրդողանի հետ հանդիպումը
Քաղաքականություն
13.05.2024 | 19:03
Հունաստանի վարչապետ Կիրիակոս Միցոտակիսը այցով Թուրքիայում է։ Թուրքական լրատվամիջոցները հայտնում են, որ Անկարայում նախագահական համալիրում Միցոտակիսին ընդունել է նախագահ Ռեջեփ Թայիփ Էրդողանը։ Նախատեսվում է նաև, որ հանդիպումից հետո երկու երկրների ղեկավարները հանդես կգան համատեղ մամուլի ասուլիսով։
Նշվում է, որ Միցոտակիսի այցի ընթացքում կվերանայվեն Թուրքիայի և Հունաստանի երկկողմ հարաբերությունները տարբեր հարթություններում և կքննարկվեն համագործակցության զարգացմանն ուղղված քայլերը։ Ակնկալվում է նաև մտքերի փոխանակում արդի տարածաշրջանային և գլոբալ խնդիրների, ինչպես նաև երկկողմ հարաբերությունների շուրջ, օրակարգում է նաև համաձայնագրերի ստորագրումը, որոնք կնպաստեն հարաբերությունների պայմանագրային հիմքի ամրապնդմանը։
Հիշեցնենք, որ 2023թ-ի դեկտեմբերի 7-ին այցով Աթենք էր մեկնել Էրդողանը։
