01.11.2024 | 12:16
Տարադրամի փոխանակման պատրվակով խարդախությամբ գումարներ հափշտակելու նոր մեխանիզմ․ ՀՀ ՔԿ-ն զգուշացնում է
Բաքվում ԱՄՆ դեսպանատունը՝ Հայաստան-Ադրբեջան բանակցություններում ներկա իրավիճակի մասին
Քաղաքականություն
13.05.2024 | 16:13
Ադրբեջանն ու Հայաստանը զգալի առաջընթաց են գրանցել կայուն խաղաղության համաձայնագրի ուղղությամբ, որը ճանաչում է երկու երկրների ինքնիշխանությունն ու տարածքային ամբողջականությունը։ Այս մասին ասվում է Ադրբեջանում ԱՄՆ դեսպանատան՝ VOA-ի ադրբեջանական ծառայության հարցմանը տրված պատասխանում։
«Մենք կոչ ենք անում կողմերին պահպանել այս թափը և համաձայնության գալ անցյալ բանակցությունների հիման վրա: Մենք շարունակում ենք ներգրավել երկու երկրների ղեկավարությանը և առաջարկում ենք օգնել հասնել արժանապատիվ ու տևական խաղաղության, որտեղ հարգվում են բոլորի իրավունքները: Կարևոր է, որ Հայաստանն ու Ադրբեջանն ուղղակիորեն քննարկեն և լուծեն այն հարցերը, որոնք ձեռնտու են ամբողջ տարածաշրջանին»,- ասվում է ԱՄՆ դեսպանատան պատասխանում։
Նշենք, որ Ադրբեջանի նախագահ Իլհամ Ալիևն Արցախի Շուշի քաղաքում բնակեցվող մարդկանց հետ հանդիպմանը հայտարարել էր, թե Մինսկի խմբի գործունեությունը 28 տարվա ընթացքում ուղղված է եղել Ադրբեջանի ժողովրդի դեմ։
«Նայեք մեզ այսօր, ովքեր, ինչպես ասում են, գլխավոր դերն են խաղում՝ Ֆրանսիան ու Ամերիկան։ Պետք է հստակ ասել, առավել ևս՝ Ֆրանսիային։ Նրանք պետք է իմանան, որ մեր կամքից դուրս որևէ հարց չի կարող լուծվել այս տարածաշրջանում։ Ինչ-որ դեսպանի Շուշի (նկատի ունի ԱՄՆ դեսպանի Շուշի այցը) գալը մեզ որպես շնորհակալություն չպետք է ներկայացվի։ Գալով-չգալով ոչինչ չի փոխվում։ Այստեղ՝ այս հողում, մենք ենք ասելու։ Ուզում եմ ևս մեկ անգամ ասել և՛ ադրբեջանական ժողովրդին, և՛ նրանց, ովքեր հետաքրքրված են այս տարածաշրջանով, որ այստեղ ոչ մի քայլ չպետք է արվի առանց մեզ հաշվի առնելու»,- հայտարարել էր Ադրբեջանի նախագահը։
Հիշեցնենք նաև, որ Բաքվում ԱՄՆ դեսպան Մարկ Լիբբին մայիսի 6-ին այցելել էր Շուշի։
