07.06.2026 | 00:08
Ձերբակալվել է Բյուրական համայնքի նախկին ղեկավար Զարզանդ Գրիգորյանը
Բերման ենթարկվածների թիվն ավելացել է
Հասարակություն
11.05.2024 | 14:35
Նիկոլ Փաշինյանի հրաժարականը պահանջող բերման ենթարկված քաղաքացիների թիվը հասել է 48-ի։ Տեղեկությունը Factor.am-ի հետ զրույցում հայտնեց ՆԳ նախարարության խոսնակը։
Հիշեցնենք` առավոտից ակցիաներ են իրականացվել Ազատության, Գայի, Տիգրան Մեծի պողոտաներում։
ՆԳՆ-ից հայտնում են, որ քաղաքացիները բերման են ենթարկվել ոստիկանության օրինական պահանջը չկատարելու հիմքով։
Այս գործողությունների մասին երեկ հայտարարել էր Տավուշի թեմի առաջնորդ Բագրատ արքեպիսկոպոս Գալստանյանը։ Նա ավելի վաղ պահանջել էր Փաշինյանի հրաժարականը, սակայն, Նիկոլ Փաշինյանն անարձագանք էր թողել, միայն թիմակիցները հայտարարեցին, որ Փաշինյանը լեգիտիմ ընտրված վարչապետ է։
Ռոբերտ Քոչարյանի և Սերժ Սարգսյանի ղեկավարած խորհրդարանական խմբակցությունները պատրաստվում են ԱԺ-ում վարչապետին անվստահություն հայտնել։ Սակայն, նրանց քվեները բավարար չեն անվստահություն հարցով նիստ հրավիրելու համար։ Ընդդիմությանը պակասում է մեկ կողմ քվե։
Նարեկ Կիրակոսյան
