16.02.2026 | 21:29
Հոլիվուդյան խոշոր ստուդիաները քննադատում են ԱԲ-ով «ուլտրառեալիստական» տեսանյութերի նոր գործիքը
Վարչապետի թեկնածուն պետք է լինի Բագրատ Սրբազանը այս պահի դրությամբ․ Վարդան Օսկանյան
Քաղաքականություն
10.05.2024 | 12:45
ՀՀ արտաքին գործերի նախկին նախարար Վարդան Օսկանյանը հայտարարել է, որ ընդդիմադիր ուժերի վարչապետի թեկնածուն Բագրատ Սրբազանը պետք է լինի։ Այս մասին նա խոսել է ֆեյսբուքի իր էջում տեղադրած տեսանյութում։
«Ես կարծում եմ, որ Բագրատ Սրբազանը ճիշտ ճանապարհի վրա է։ Երեկ հայտնեց, որ արդեն խորհրդակցությունների մեջ է քաղաքական ուժերի հետ՝ հիմնականում խորհրդարանական, որպեսզի մտնեն խորհրդարան, և անվստահության գործընթաց սկսեն Նիկոլ Փաշինյանի նկատմամբ։ Սահմանադրությունը պահանջում է, որպեսզի այդ ուժերը ներկայացնեն նաև իրենց վարչապետի թեկնածուն։ Այս պահի դրությամբ, ես կարծում եմ, այդ վարչապետի թեկնածուն Սրբազանը պետք է լինի երևի»,- նշել է Օսկանյանը՝ հավելելով, որ այս կառավարությունը լինելու է ժամանակավոր, որի ընթացքում կկարգավորվեն որոշ խնդիրներ։
Օսկանյանի խոսքով՝ դրանից հետո պետք է լինեն արդար ընտրություններ։
Հիշեցնենք, որ Factor TV-ի երեկ հարց էր ուղղել՝ արդյո՞ք Բագրատ արքեպիսկոպոս Գալստանյանը հավակնում է վարչապետի պաշտոնին, ինչին նա բացասական պատասխան էր տվել։
