05.06.2026 | 22:40
Ընտրություններից առաջ Հայաստան ժամանած ՀՀ քաղաքացիների թիվը ավելի քիչ է, քան նախորդ տարի
Առաջին քայլը, որ անելու ենք, լինելու է ԱԺ-ով նրան անվստահություն հայտնելը և պաշտոնանկության հասնելը. ՏԵՍԱՆՅՈՒԹ
Քաղաքականություն
09.05.2024 | 20:40
Բագրատ սրբազանը Հանրապետության հրապարակում ներկայացրեց իրենց հետագա անելիքները։
«Առաջին քայլը, որ անելու ենք, բնականաբար, լինելու է Ազգային ժողովով նրան անվստահություն հայտնելը և պաշտոնանկության հասնելը։ Մենք կքննարկենք Ազգային ժողովի 3 խմբակցությունների հետ կքննարկենք այդ գործընթացը կազմակերպելու վերաբերյալ, թե ինչ ճանապարհով և ինչպես՝ կիմանաք, պատգամավորներ կան այստեղ, կառանձնանանք երևի մի քիչ հետո, կխորհրդակցենք, կտեսնենք՝ ինչ ճանապարհով։ Եթե արձագանքը շարունակում է լուռ մնալ, մենք խաղաղ անհնազանդության գործողություններ ենք անելու», – ասաց Բագրատ արքեպիսկոպոս Գալստանյանը։
Հիշեցնենք, Բագրատ արքեպիսկոպոս Գալստանյանը 18։40-ին Հանրապետության հրապարակում հայտարարեց, թե 1 ժամ ժամանակ են տալիս Նիկոլ Փաշինյանին վարչապետի պաշտոնից հեռանալու համար։ Այս հայտարարությունից հետո ԱԺ ՔՊ խմբակցության ղեկավար Հայկ Կոնջորյանը ֆեյսբուքում գրառում էր արել՝ արձագանքելով Հանրապետության հրապարակում հնչած պահանջին։ «Հայաստանի Հանրապետության ընտրված վարչապետ Նիկոլ ՓԱՇԻՆՅԱՆ»,- գրել է Կոնջորյանը՝ հրապարակելով Փաշինյանի լուսանկարը։
Բագրատ արքեպիսկոպոս Գալստանյանը ևս 20 րոպե ժամանակ տվեց, որից հետո կրկին հրապարակում հնչած պահանջին արձագանք չեղավ։
