09.09.2026 | 21:35
Մեկնարկել է Փաշինյանի և Մակրոնի հանդիպումը
ԵՄ-ում դեռ վերջնական որոշում չունեն Պուտինի երդմնակալությանը մասնակցության վերաբերյալ
Քաղաքականություն
06.05.2024 | 20:10
ԵՄ դիվանագիտության ղեկավար Ժոզեպ Բորելը դեմ է հանդես եկել ՌԴ նախագահ Վլադիմիր Պուտինի երդմնակալությանը ԵՄ ներկայացուցիչների մասնակցությանը։ Korrespondent-ի փոխանցմամբ՝ այս մասին հայտնել է ԵՄ արտաքին քաղաքականության խոսնակ Պետեր Ստանոն։
Կրեմլը Մոսկվայում ԵՄ անդամ երկրների ներկայացուցչություններ Պուտինի երդմնակալությանը մասնակցելու հրավիրատոմսեր է ուղարկել, որը պետք է տեղի ունենա մայիսի 7-ին։
«Այժմ մենք ԵՄ անդամ երկրների հետ քննարկում ենք, թե ինչ ձևաչափով մեր կողմից կտրվի պատասխանը։ Արտաքին քաղաքականության հարցում ԵՄ-ն ամենուր և մշտապես ձգտում է համակարգված կերպով գործել։ Վերջնական որոշում դեռևս չի ընդունվել»,- ասել է Ստանոն։
Միաժամանակ, նա նշել է, որ ԵՄ բարձր ներկայացուցիչ Ժոզեպ Բորելը դեմ է, որ ԵՄ-ից որևէ մեկը մասնակցի այս արարողությանը, որը նախատեսված է Մոսկվայում։
Ավելի վաղ Չեխիան, Էստոնիան և Լատվիան հայտարարել էին, որ իրենց ներկայացուցիչները մայիսի 7-ին չեն մասնակցի Պուտինի երդմնակալությանը։
Եվրախորհրդարանը ավելի վաղ ընդունել էր բանաձև, որով դատապարտում էր Ռուսաստանի Դաշնության նախագահի «վերընտրություններ» անցկացնելու գործընթացը և կոչ էր անում դրանք համարել ոչ լեգիտիմ։
