09.09.2026 | 21:35
Մեկնարկել է Փաշինյանի և Մակրոնի հանդիպումը
Էստոնիայում 15 երկրների մասնակցությամբ զորավարժություններ են մեկնարկում
Քաղաքականություն
06.05.2024 | 20:21
Էստոնիայում մայիսի 6-ին մեկնարկում են «Գարնանային փոթորիկ» լայնածավալ զորավարժությունները, որոնք կտևեն մինչև մայիսի 17-ը երկրի արևմտյան մասում և կղզիներում, գրում է ERR-ը։
Զորավարժությունները կբաժանվեն մի քանի փուլերի. մայիսի 6-ից 12-ը կձևավորվեն ստորաբաժանումներ և կմշակվեն համագործակցության հարցեր, մայիսի 13-ից 17-ը հիմնական ուսումնական վարժանքները կանցկացվեն Արեւմտյան Էստոնիայում, ներառյալ՝ կղզիները։
Վարժանքներին կներգրավվեն շուրջ 14 հազար մասնակիցներ 15 երկրներից, այդ թվում՝ Կանադայից, Գերմանիայից, Դանիայից, Ֆինլանդիայից, Ֆրանսիայից, Լեհաստանից, Շվեդիայից, Մեծ Բրիտանիայից և ԱՄՆ-ից։ Այս տարի առաջին անգամ «Գարնանային փոթորկի» շրջանակում վարժանքներին կներգրավվի նաև տեղի համայնքային բնակչությունը՝ վտանգի իրազեկման բարձրացման համար: Բնակիչները կստանան SMS հաղորդագրություն՝ պատսպարվելու հրահանգներով:
Հիշեցնենք, որ ամռանը Լիտվայում տեղի կունենան երկրի պատմության մեջ ամենախոշոր զորավարժությունները՝ ուղղված տարբեր երկրների զինված ուժերի պատրաստմանը և ռազմական արձագանքի ուժեղացմանը՝ Բալթիկ ծովում նավարկության ազատության և անվտանգության ապահովման համար։
