26.06.2026 | 16:22
«Այս իշխանությունն այնքան թքած ունի օրենքի վրա, որ վարժական հավաքները դարձրել է տոտալ ճնշման միջոց»․ Գեղամ Մանուկյան․ ՏԵՍԱՆՅՈՒԹ
Կիրանցի մուտքերը բացվել են, ոստիկանները հեռացել են
Հասարակություն
03.05.2024 | 20:25
Տավուշի մարզի Կիրանց վարչական բնակավայրի մուտքերը բացվել են, ոստիկանները հեռացել են, այս մասին Factor.am-ին հայտնեց Կիրանցի վարչական ղեկավար Կամո Շահինյանը։ Նրա խոսքով՝ գյուղում շարունակվում են սահմանազատման աշխատանքները։
Նշենք, որ գյուղացիները շուրջ 2 շաբաթ փակ պահելով Կիրանց-Ոսկեպար ճանապարհը, հեռացրել էին վրանները։
Սակայն, վերջին օրերին ոստիկանները փակ էին պահում Կիրանցի մուտքերը՝ Սարիգյուղի և Ոսկեպարի հատվածներից։ Գյուղ կարող էին մուտք գործել միայն կիրանցեցիները՝ այն էլ ոստիկանական ստուգումներից հետո։
Հիշեցնենք, որ Կիրանցի բնակիչներն ապրիլի 19-ին փակել էին Կիրանց-Ոսկեպար ճանապարհը՝ դեմ արտահայտելով սահմանազատման վերաբերյալ իշխանությունների որդեգրած քաղաքականությանը։
