13.12.2024 | 23:31
Գերմանիան հավանություն է տվել 2006թ․ ի վեր զենքի ամենամեծ արտահանմանը Թուրքիա
ՄԱԿ-ի փորձագետները հաստատում են՝ ՌԴ-ն Հյուսիսային Կորեայի հրթիռ է օգտագործել Խարկովին հարվածելիս
Քաղաքականություն
30.04.2024 | 12:53
Հունվարի 2-ին Ուկրաինայի Խարկով քաղաքին հարվածած հրթիռի բեկորները հյուսիսկորեական Hwasong-11 սերիայի բալիստիկ հրթիռից են եղել։ Այս մասին ՄԱԿ-ի փորձագետները հայտնել են Անվտանգության խորհրդի հանձնաժողով ներկայացրած 32 էջանոց զեկույցում, որը հայտնվել է Reuters-ի տրամադրության տակ։
«Ուկրաինայի իշխանությունների կողմից տրամադրված հետագծի մասին տեղեկատվությունը ցույց է տալիս, որ այն արձակվել է Ռուսաստանի Դաշնության տարածքից»,- գրել են նրանք ապրիլի 25-ին ԱԽ Հյուսիսային Կորեայի պատժամիջոցների հահնձնաժողովին ուղղված զեկույցում:
Հյուսիսային Կորեան 2006 թվականից ի վեր ՄԱԿ-ի պատժամիջոցների տակ է բալիստիկ հրթիռների և միջուկային ծրագրերի պատճառով, և սահմանափակումները տարիների ընթացքում ուժեղացվել են:
Երեք դիտորդներ այս ամսվա սկզբին մեկնել են Ուկրաինա՝ ուսումնասիրելու բեկորները, և որևէ ապացույց չեն գտել, որ հրթիռը պատրաստվել է Ռուսաստանի կողմից: Նրանք «չեն կարողացել ինքնուրույն բացահայտել, թե որտեղից է արձակվել հրթիռը, և ում կողմից»։
Եթե հաստատվի ԿԺԴՀ-ից Ռուսաստան հրթիռների մատակարարման փաստը, ապա դա կլինի 2006 թվականին ՄԱԿ-ի Անվտանգության խորհրդի կողմից Հյուսիսային Կորեայի նկատմամբ սահմանված պատժամիջոցների խախտում։
ՄԱԿ-ում Ռուսաստանի և Հյուսիսային Կորեայի առաքելություններն անմիջապես չեն արձագանքել դիտորդների զեկույցը մեկնաբանելու՝ լրատվամիջոցի դիմումին։
