23.02.2026 | 19:16
Փաշինյանի գլխավորությամբ քննարկվել են բռնագանձված ակտիվների արդյունավետ կառավարմանը վերաբերող հարցեր
Վրաստանի խորհրդարանի իրավական հանձնաժողովը երկրորդ ընթերցմամբ պաշտպանել է «գործակալների օրենքը»
Քաղաքականություն
29.04.2024 | 22:54
Շուրջ 9 ժամ տևած խորհրդակցությունից հետո իրավական հարցերի հանձնաժողովը լիագումար նիստում միաձայն կողմ է արտահայտվել «գործակալների մասին» օրենքի երկրորդ ընթերցմանը։
Aliq.ge-ի փոխանցմամբ՝ հանձնաժողովի նախագահ Անրի Օխանաշվիլին նիստից հեռացրել է 14 ընդդիմադիր պատգամավորների և հասարակական կազմակերպությունների երեք ներկայացուցիչների, որոնք քննադատական արտահայտություններ էին անում օրինագծի վերաբերյալ։
Օխանաշվիլին ընդդիմախոսներին մեղադրել է կանոնները խախտելու համար, այդ թվում՝ խոսափողն անջատելուց հետո ելույթը շարունակելու համար։
Հիշեցնենք, որ երեկ ընդդեմ «ռուսական օրենքի» լայնամասշտաբ բողոքի ցույց է ընթացել: Ցուցարարների նկատմամբ «պղպեղի սփրեյ» և արցունքաբեր գազ է կիրառվել: Հատուկջոկատայիններն ու ոստիկանական տարբեր խմբերը բռնի ուժով ցրել են ցույցը:
Ուշագրավ է նաև, որ այսօր` ապրիլի 29-ին, իշխող «Վրացական երազանք» կուսակցությունը նախատեսում է Թբիլիսիում «գործակալների մասին օրենքի» աջակցության հանրահավաք անցկացնել։ Ըստ «Ալիք Մեդիա Վրաստան»-ի աղբյուրի` իշխող ուժը հանրահավաքի համար պետաշխատողների է մոբիլիզացնում։
