Հասարակություն
25.04.2024 | 15:26
Տավուշի մարզում շարունակվում են բողոքի ակցիաները․ Բագրատաշենի ճանապարհին, երբ ոստիկանները փորձել են բերման ենթարկել քաղաքացիներին, «Հայաստան» խմբակցության պատգամավոր Գառնիկ Դանիելյանի ինքնազգացողությունը վատացել է, նրան տեղափոխել են Նոյեմբերյանի հիվանդանոց, որտեղ հետազոտություններ է անցնում։ Այս մասին Factor.am-ին հայտնեց «Հայաստան» խմբակցության պատգամավոր Քրիստինե Վարդանյանը։
Նրա փոխանցմամբ՝ կա տեղեկատվություն թեթև վնասվածքներ ստացած քաղաքացիների մասին, ինչպես նաև կան բերման ենթարկվածներ։
ՆԳՆ ոստիկանության լրատվության բաժնից էլ Factor.am-ին փոխանցեցին, որ Հաղթանակ բնակավայրի տարածքից 12 անձ է բերվել Նոյեմբերյանի բաժին։
