16.03.2026 | 23:18
ԵՄ-ն պատժամիջոցներ է սահմանել չինական և իրանական ընկերությունների նկատմամբ՝ կիբերհարձակումների համար
Հունգարիայի ԱԳ նախարարը հայտնել է, որ Բաքվի հետ Արցախում վերակառուցման աշխատանքներին մասնակցելու ծրագիր են մշակում
Քաղաքականություն
25.04.2024 | 23:15
Հունգարական ընկերությունները հետաքրքրված են Ղարաբաղի վերակառուցմանն ու վերականգնմանը մասնակցության հարցում։ Այս մասին Բաքվում կայացած ադրբեջանա-հունգարական միջկառավարական հանձնաժողովի 10-րդ նիստի ժամանակ ասել է Հունգարիայի արտաքին գործերի և առևտրի նախարար Պետեր Սիյարտոն, փոխանցում են ադրբեջանական լրատվամիջոցները։
Սիյարտոն ասել է, որ Հունգարիան հատուկ ծրագիր է պատրաստում աշխատանքներին մասնակցելու համար։
«Հունգարինա պլան է պատրաստում՝ մասնակցելու Ղարաբաղում շարունակվող վերականգնման աշխատանքներին։ Այն պատրաստ կլինի մինչև այս տարվա նոյեմբեր և թույլ կտա մեզ որոշել գործունեության ոլորտները, որոնց կարող են մասնակցել հունգարական ընկերությունները»,- նշել է Հունգարիայի ԱԳ նախարարը։
Նա հավելել է, թե Ադրբեջանի և Հայաստանի միջև սահմանների սահմանազատման գործընթացի սկիզբը կնպաստի տարածաշրջանում խաղաղությանն ու բարգավաճմանը։
«Մենք պատրաստ ենք օգնել երկու երկրների միջև խաղաղության հաստատմանը»,- հայտարարել է պաշտոնյան։
