05.06.2026 | 15:54
Ազովի ծովում ԱԹՍ-ների հարձակման հետևանքով 5 ադրբեջանցի նավաստիներ են զոհվել, ևս 3 վիրավոր կա. ՏԵՍԱՆՅՈՒԹ
Անկարայում ՌԴ դեսպանատունն իր քաղաքացիներին խորհուրդ է տալիս չօգտվել Turkish Airlines-ի ծառայություններից
Քաղաքականություն
23.04.2024 | 16:34
Անկարայում ՌԴ դեսպանատունը ռուսաստանցիներին խորհուրդ է տալիս կշռադատել թուրքական Turkish Airlines ավիաընկերությունից օգտվելու նպատակահարմարությունը։ Դեսպանատունն այսպես է մեկնաբանել լուրերը, որ թուրքական ավիափոխադրողը ռուսներին հանում է Լատինական Ամերիկայի երկրներ տարանցիկ թռիչքներից։
«Իսկապես վերջին շաբաթների ընթացքում լինում են դեպքեր, երբ ՌԴ քաղաքացիերին, որոնք տարանցիկ ճանապարհով ուղևորվում են Ստամբուլի օդանավակայանից Լատինական Ամերիկա, մերժում են ինքնաթիռ նստեցնել։ Տարբեր պատճառներ են բերվում, բայց հիմնականում ամեն ինչ պայմանավորված է նրանով, որ, իբր, նպատակակետ երկրները խիստ կանոններ են սահմանել ՌԴ քաղաքացիներին իրենց պետություններ ընդունելու համար։ Նրանց պահանջները ներառում են՝ հետադարձ տոմսի առկայություն, կանխիկ գումար, հյուրանոցի ամրագրման հաստատում, զբոսաշրջությունից բացի այլ նպատակի դեպքում՝ համապատասխան օժանդակ փաստաթղթեր և այլն»,- ասվում է հայտարարության մեջ։
Դեսպանատունը նշում է, որ Ստամբուլում ՌԴ գլխավոր հյուպատոսությունն ավիափոխադրողի ուշադրությունը հրավիրել է «ստեղծված անառողջ իրավիճակի» վրա, և դեսպանությունը պաշտոնական նոտայով կապ է հաստատել Թուրքիայի ԱԳՆ-ի հետ։
«Մենք դեռևս հստակ պատասխան չենք ստացել»,- ասվում է հայտարարության մեջ։
Հավելենք, որ ավելի վաղ էլ տեղեկություններ էին տարածվել, որ Turkish Airlines-ը նոր սահմանափակումներ է մտցրել Մեքսիկա և Լատինական Ամերիկայի մի շարք այլ երկրներ մեկնող ուղևորների համար՝ հիմնական Կենտրոնական Ասիայի երկրներից, որոնք հայտնի ուղղություններ են միգրանտների համար և փորձում են այդպիսով հասնել ԱՄՆ-ի հարավային սահման:
