11.08.2026 | 22:04
Օգոստոսի 15-ը ռիսկայի՞ն կլինի Եվրոպայի համար․ Բրյուսելն ու Մադրիդը զգուշացնում են Սեուտա անօրինական մուտք գործել ցանկացողներին
Ստամբուլի նահանգապետարանն արգելել է Հայոց ցեղասպանության հիշատակի միջոցառում անցկացնել
Քաղաքականություն
23.04.2024 | 13:00
Ստամբուլի նահանգապետարանը հայտարարել է 1915 թվականի Հայոց ցեղասպանության զոհերի հիշատակի հանրային միջոցառումների անցկացման արգելքի մասին, գրում են թուրքական լրատվամիջոցները։
Ապրիլի 24-ի ոգեկոչման հարթակի կողմից կազմակերպված միջոցառումը նախատեսվում էր անցկացնել Ստամբուլի Քադըքյոյ թաղամասում։
Այս որոշումը նշանավորում է նախորդ տարիների քաղաքականության շարունակությունը, երբ հարթակի կողմից նմանատիպ դիմումները մերժվում էին։ Այս արգելքը քննադատության է ենթարկվել տարբեր իրավապաշտպան կազմակերպությունների կողմից, ներառյալ՝ Մարդու իրավունքների ասոցիացիայի (İHD), որն ամեն տարի ոգեկոչում է Հայոց ցեղասպանության զոհերի հիշատակը։
Չնայած արգելքին՝ İHD-ի Ռասիզմի և խտրականության դեմ պայքարի հանձնաժողովը նախատեսում է նույն օրը Թաքսիմի իրենց կենտրոնակայանում «Ճանաչել, ներողություն խնդրել, փոխհատուցել» խորագրով ճեպազրույց անցկացնել։
