10.10.2026 | 13:51
Ավինյանը շնորհավորել է Երևանի տոնը՝ կոչ անելով երևանցիներին դուրս գալ քաղաք և մասնակցել տոնակատարություններին
Եկամտահարկի նվազեցման նախագիծը կլինի մոտ օրերս. Դավիթ Անանյան. ՏԵՍԱՆՅՈՒԹ
Տնտեսություն
23.08.2018 | 12:46
ՀՀ պետական եկամուտների կոմիտեի նախագահ Դավիթ Անանյանն այսօր Կառավարության նիստից հետո անդրադարձավ ՀՀ վարչապետ Նիկոլ Փաշինյանի հայտարարությանը, թե Հարկային օրենսգրքում փոփոխություններ են նախատեսվում, ինչի արդյունքում նվազելու է եկամտահարկը:
«Սցենարները շատ են, քննարկվում են տարբեր սցենարներ: 8-9 սցենար կա: Այս պահին չէի ցանկանա բացահայտել, որովհետև դրանցից ամեն մեկի տակ կան թվային հաշվարկներ, իսկ այդ հաշվարկները հիմնականում վերաբերվում են նրանով, թե կոնկրետ եկամտային հարկի տոկոսադրույքների նվազեցման արդյունքում ինչպիսի բյուջետային կորուստներ են ենթադրում, դրանց փոխհատուցում: Կա նաև երկրորդ մաս, թե ինչպիսի գործիքակազմ օրենսդրության մեջ պետք է փոխվի»,- նշեց Անանյանը:
Նրա խոսքով՝ եկամտահարկի նվազեցման նախագիծը պատրաստ կլինի առաջիկա օրերին. «Սեպտեմբերին արդեն կառավարությունում կունենանք միասնական դիրքորոշում և հանրությանը տեղյակ կպահենք: Այսինքն, մենք փոփոխությունների գնալու ենք այս տարի Ազգային ժողովում»։
Մանրամասները՝ տեսանյութում:
