07.10.2026 | 10:46
Գագիկ Խաչատրյանից առգրավված 70 կտավ հանձնվել է Ազգային պատկերասրահին
Ուկրաինային օգնություն տրամադրելու ԱՄՆ որոշումն ավելի շատ ուկրաինացիների մահվան պատճառ կդառնա․ Պեսկով
Քաղաքականություն
21.04.2024 | 11:01
Ուկրաինային օգնություն տրամադրելու ԱՄՆ Ներկայացուցիչների պալատի որոշումը ավելի կհարստացնի ԱՄՆ-ին և ավելի կկործանի Ուկրաինային, վստահ է ՌԴ նախագահի մամուլի քարտուղար Դմիտրի Պեսկովը։
«Ուկրաինային օգնություն տրամադրելու որոշումը սպասելի էր և կանխատեսելի, դա էլ ավելի կհարստացնի Ամերիկայի Միացյալ Նահանգներին և կկործանի Ուկրաինային՝ պատճառ դառնալով ավելի շատ ուկրաինացիների մահվան՝ Կիևի ռեժիմի մեղքով», – ՏԱՍՍ-ին ասել է Կրեմլի խոսնակը։
Պեսկովը նշել է, որ ԱՄՆ-ը պետք է պատասխան տա Ռուսաստանի Դաշնության սառեցված ակտիվների բռնագրավման համար։
Նախկինում ԱՄՆ Կոնգրեսի Ներկայացուցիչների պալատում հավանության են արժանացել Ուկրաինային, Իսրայելին և Թայվանին ռազմական օգնություն տրամադրելու, Ռուսաստանի սառեցված ակտիվների առգրավման, ինչպես նաև Չինաստանի դեմ լրացուցիչ պատժամիջոցների ներդրման մասին օրինագծերը։
Հիշեցնենք, որ երեկ ԱՄՆ Կոնգրեսի Ներկայացուցիչների պալատը հավանություն տվեց Ուկրաինային տրամադրվող օգնության վերաբերյալ նախագծին։ Ուկրաինային կտրամադրվի 61 միլիարդ դոլար։
