07.10.2026 | 12:47
Դատախազությունը պահանջում է ՊԵԿ նախկին պաշտոնյայից հօգուտ պետության բռնագանձել 3 անշարժ գույք, մեքենա և շուրջ 450 մլն դրամ
Վրաստանում «oտարերկրյա գործակալների» մասին օրենքի դեմ ցույցերի ընթացքում բերման է ենթարկվել 40 մարդ
Քաղաքականություն
19.04.2024 | 16:38
Վրաստանում «օտարերկյա գործակալների» մասին օրենքի ընդունման դեմ բողոքի ցույցերի երեք օրերի ընթացքում ձերբակալվել է 40 մարդ։ Այս մասին հայտել է երկրի ներքին գործերի նախարար Վախթանգ Գոմելաուրին՝ ցուցարարներին մեղադրելով ոստիկանների նկատմամբ բռնության ու կառավարության շենքն ապրիլի 17-ին գրոհելու փորձի մեջ, փոխանցում է «Գրուզիա օնլայնը»։
«Նրանք փորձում էին ներխուժել վարչական շենք, հրում ու վիրավորում էին ոստիկաններին, եղել են կոչեր՝ ներխուժելու կառավարության շենք։ Հատկապես ակտիվ էին ընդդիմադիր կուսակցությունների ներկայացուցիչները։ Անուններ չեմ նշի»,- խորհրդարանում ունեցած ելույթում ասել է Գոմելաուրին։
Նրա խոսքով՝ հինգ ոստիկան վիրավորվել է, նրանցից երկուսը տեղափոխվել է հիվանդանոց։ Նախարարը մեջբերել է այս թվերը՝ ի պատասխան ցուցարարների և լրագրողների նկատմամբ ոստիկանության բռնության դեպքերի մասին հարցին։
Հիշեցնենք, որ ապրիլի 15-ից Թբիլիսիում բողոքի ցույցեր են սկսվել այն բանից հետո, երբ երկրի խորհրդարանը քննարկել և առաջին ընթերցմամբ ընդունել է «Օտարերկրյա ազդեցության թափանցիկության մասին» օրինագիծը։ Այն իր բովանդակությամբ նույնական է անցյալ տարի նախաձեռնված նախագծին, որը հետ կանչվեց բողոքի ցույցերի պատճառով։
