22.02.2026 | 12:41
Վթարային ջրանջատում Երևանում և Սյունիքում
Լարված իրավիճակ Վրաստանի խորհրդարանի մոտ. հատուկջոկատայիններն արցունքաբեր գազ են կիրառել
Քաղաքականություն
16.04.2024 | 22:38
Վրաստանի ՆԳՆ հատուկջոկատայինները սկսել են ցրել խորհրդարանի ծառայողական մուտքի մոտ հավաքված ցուցարարներին։
ՏԱՍՍ-ի թղթակցի փոխանցմամբ՝ արցունքաբեր գազ է կիրառվել այն բանից հետո, երբ ոստիկանները սկսել են ցրել և բերման ենթարկել ցուցարարներին: Հատուկջոկատայինները ստիպված են եղել հավաքի մասնակիցներին հետ մղել դեպի խորհրդարանին հարող մեկ այլ փողոց։ Ոստիկանությունը բերման է ենթարկում ցուցարարներին: Ցուցարարները նահանջում են։ Խորհրդարանի մոտ են գտնվում նաև ընդդիմության առաջնորդները` մասնավորապես ընդդիմադիր կուսակցությունից Վրաստանի խորհրդարանի պատգամավոր Գեորգի Վաշաձեն:
Հիշեցնենք, որ այսօր՝ ժամը 12:00-ին, Վրաստանի խորհրդարանը նստաշրջանի առաջին ընթերցմամբ քննարկել է «ռուսական օրենքը»։ Առաջին բողոքի ակցիան խորհրդարանի մոտ կայացել է ժամը 12-ին, իսկ երկրորդը մեկնարկել է երեկոյան ժամը 19-ին։
Ի դեպ, երեկ Վրաստանի խորհրդարանի իրավական հարցերի հանձնաժողովը, Ռուսթավելիի պողոտայում ընթացող բազմահազարանոց բողոքի ցույցին զուգահեռ, առաջին ընթերցմամբ հավանություն է տվել «Օտարերկրյա ազդեցության թափանցիկության մասին» օրենքին, որը ստացել է «ռուսական օրենք» անվանումը։ Խորհրդարանի շենքի մոտ հատուկ ջոկատայիններ էին մոբիլիզացված, կար նաև ջրցան մեքենա։ Ոստիկաններն ու հատուկ ջոկատայինները փակել էին դեպի խորհրդարանի շենքի մուտք տանող ճանապարհները։ Հանրահավաքի ավարտին ցուցարարներից ոմանց բերման են ենթարկել:
