23.11.2024 | 15:55
Իսրայելի օդուժը հարվածներ է հասցրել Բեյրութի կենտրոնին ու արվարձաններին
Մակրոնն Իսրայելին կոչ է արել «խուսափել էսկալացիայից»՝ Իրանի հարձակումն անվանելով «անհամաչափ»
Քաղաքականություն
15.04.2024 | 17:10
Ֆրանսիան ամեն ինչ կանի Իսրայելի և Իրանի միջև հակամարտության տարածաշրջանային սրացումից խուսափելու համար։ Այս մասին հայտարարել է Ֆրանսիայի նախագահ Էմանուել Մակրոնը՝ կոչ անելով Իսրայելին զսպվածություն ցուցաբերել ցանկացած պատասխանում, գրում է France 24-ը։
«Բոլորս անհանգստացած ենք հնարավոր էսկալացիայից։ Մենք կանենք ամեն ինչ, որպեսզի խուսափենք իրադարձությունների բռնկումից, էսկալացիայից»,- ասել է Մակրոնը BFM TV-ին և RMC ռադիոյին։
Նա նաև կոչ արել Իսրայելին՝ նպատակ դնել մեկուսացնել Իրանին, այլ ոչ թե իրավիճակը սրել։
Մակրոնը նաև ընդգծել է՝ իրավիճակը տարածաշրջանում «շատ անկայուն է», և հավելել, որ Իրանի պատասխանն ապրիլի 1-ին Դամասկոսում իր հյուպատոսության վրա հարվածին «անհամաչափ» է։
Ավելի վաղ Մեծ Բրիտանիայի ԱԳ նախարար Դեյվիդ Քեմերոնն Իսրայելին հորդորել էր չէսկալացնել իրավիճակը։
