23.11.2024 | 16:53
ՏԿԵ նախարարն այցելել է Նոր Հաճնի կամուրջ, հանձնարարականներ տվել շինարարներին
Մեծ Բրիտանիայի ԱԳ նախարարն Իսրայելին կոչ է արել չհարձակվել Իրանի վրա և չսրել իրավիճակը Մերձավոր Արևելքում
Քաղաքականություն
15.04.2024 | 13:45
Մեծ Բրիտանիայի ԱԳ նախարար Դեյվիդ Քեմերոնը հայտարարել է, որ շաբաթ երեկոյան Իսրայելի վրա հասցված հարվածները «կրկնակի պարտություն» էին Իրանի համար՝ «գրեթե լիակատար ձախողումից հետո»:
Հարցին՝ ինչպե՞ս է շտկվելու իրավիճակը Մերձավոր Արևելքում, Քեմերոնը Sky News-ին ասել է․ «Ես չեմ կարծում, որ դա անելու հեշտ ուղի կա, և առաջինը, ինչին պետք է անդրադառնալ, Իրանի կողմից Իսրայելի վրա իրականացված հարձակման մասշտաբն է: Սա նշանակալից է, ուստի երբ առավոտյան նստած եք Իսրայելում, միանգամայն ճիշտ եք մտածում՝ «Մենք բոլոր իրավունքներն ունենք արձագանքելու սրան»։
Նա, միաժամանակ, հորդորել է չանել դա։
«Սակայն մենք հորդորում ենք, որ նրանք չէսկալանացնեն։ Շատ առումներով սա կրկնակի պարտություն էր Իրանի համար։ Հարձակումը գրեթե լիակատար ձախողում էր, և նրանք աշխարհին ցույց տվեցին, որ չարամիտ ազդեցություն ունեն տարածաշրջանում: Մենք հուսով ենք, որ պատասխան գործողություն չի լինի, և որ աշխարհի ուշադրությունը կուղղվի ՀԱՄԱՍ-ին, որոնք դեռ պատանդների են պահում»,- ասել է Քեմերոնը։
