09.08.2026 | 11:01
Ռուսաստանը հարվածել է Օդեսային և Խարկովին․ երկու մարդ զոհվել է, ավելի քան 20-ը՝ վիրավորվել
Թուրքիային սպառնում է փախստականների նոր ալիք
Քաղաքականություն
22.08.2018 | 16:36
Սիրիայի Իդլիբ նահանգում կառավարական ուժերի կողմից տեղի ահաբեկիչների և ընդդիմադիր ուժերի դեմ սկսված ռազմական գործողությունների հետևանքով 250.000 փախստական կարող է գաղթել դեպի Թուրքիա. փոխանցում է ermenihaber-ը:
Թուրքիայի կառավարության մոտ կանգնած աղբյուրները հրապարակել են զեկույց, որտեղ խոսվում է, թե փախստականների նոր ալիքը ինչպիսի վտանգներ կարող է պարունակել Թուրքիայի համար: Գլխավոր վտանգն այն է, որ այդ փախստականների մեջ կան նաև բազմաթիվ ահաբեկչական կազմակերպությունների զինյալներ:
Այդ իսկ պատճառով նշվում է, որ եթե նման բան պետք է տեղի ունենա, ապա Թուրքիայի համապատասխան ծառայությունները պետք է չափազանց աչալուրջ լինեն և պարզեն, թե թուրք-սիրիական սահմանը հատած մարդիկ ովքեր են:
Նշվում է, որ Իդլիբում կառավարական ուժերի և ահաբեկիչների միջև բախումների ժամանակ փրկվածները կփորձեն փախուստի դիմել դեպի Թուրքիա:
