26.11.2024 | 23:20
Ադրբեջանում պահեստազորի սպաները բողոքի ակցիա են անցկացրել՝ պահանջելով իրենց հասանելիք վճարումները
Բորելը զանգել է Իրանի ԱԳ նախարարին և կոչ արել չշարունակել հետագա էսկալացիան
Քաղաքականություն
14.04.2024 | 20:42
Եվրամիության արտաքին գործերի և անվտանգության քաղաքականության հարցերով բարձր ներկայացուցիչ Ժոզեպ Բորելը X-ի գրառման մեջ նշել է, որ հեռախոսազրույց է ունեցել Իրանի արտգործնախարար Հոսեյն Ամիր Աբդոլլահիանի հետ՝ դատապարտելու կիրակի գիշերը Իսրայելի դեմ իրականացված գարծողությունը։
Բորելը գրել է․ «ԵՄ անդամ երկրների անունից ես խստորեն դատապարտում եմ Իրանի հարձակումները Իսրայելի դեմ և կոչ եմ անում բոլոր կողմերին ցուցաբերել առավելագույն զսպվածություն»:
«Ես հենց նոր խոսեցի Իրանի ԱԳ նախարար Աբդոլլահիանի հետ, որպեսզի փոխանցեմ այս հաղորդագրությունները և կոչ անեմ Իրանին հետագա էսկալացիա չանել»,- հավելել է նա իր գրառման մեջ:
Հիշեցնենք, որ Իսրայելի ռեժիմը հայտարարել է, որ իր արևմտյան դաշնակիցների օգնությամբ կարողացել է կործանել անցած գիշեր Իրանից արձակված թռչող անօդաչուների մեծ մասը։
Պաշտոնական Իրանը հայտարարել է, որ մտադիր չէ շարունակել գործողությունները։
Ավելի վաղ ԵՄ դիվանագիտության ղեկավար Ժոզեպ Բորելը X սոցիալական ցանցում դատապարտել է Իրանի հարձակումը՝ այն անվանելով «աննախադեպ էսկալացիա»:
