Դահիճներին ներելու, մերժվածներին պաշտպանելու և հասարակության հաշտութան մասին. ապաքաղաքական զրույց Վարդան Հարությունյանի հետ. ՏԵՍԱՆՅՈՒԹ

Factor TV-ի A-politic հաղորդաշարի հյուրն է իրավապաշտպան Վարդան Հարությունյանը: Նրա կարծիքով՝ իրավապաշտպան լինելն ապրելակերպ է, միշտ եղել են և կան մարդիկ, որոնք ցանկանում են օգնել նրանց, ովքեր դրա կարիքն են զգում: Օգնության կարիք ունեցող այդ մարդիկ կարող են չլինել իրավապաշտպանների գաղափարակիցները, անգամ չվայելել նրանց համակրանքը՝ աջակցելը չպիտի պայմանավորվի նման հանգամանքներով:

Վարդան Հարությունյանն անդրադառնում է խորհրդային շրջանի հայ իրավապաշպաններին՝ նշելով, որ նրանց գործունությունը հաճախ զուգորդվում էր անկախության համար, այսինքն՝ քաղաքական պայքարով: Դրան գումարած՝ այլախոհությունը Խորհրդային Հայաստանում, որպես կանոն, բարձրացնում էր պատմական հիշողության և արդարության հարցերը: Հայաստանի Հելսինկյան խմբի հռչակագրում, որը կարդացվել է 1975 թվականին, կար Արցախի խնդիրը:

Հաղորդման հյուրը երբեք մտադրություն չի ունեցել վրեժ լուծել այն մարդկանցից, որոնք խորհրդային տարիներին իր դեմ ցուցմունք են տվել, իր «հակասովետական» գործունեությունը քննել են կամ նրան դատապարտել ազատազրկման: Չարիքի դեմ հնարավոր չէ չարիքով պայքարել:

Խոսելով հասարակական հաշտեցման մասին՝ իրավապաշտպանը նշում է, որ Հայաստանում առնվազն երեք անգամ նման հնարավորություն կար՝ 1990-ականների սկզբին, 2008-ին և 2018-ին: Սակայն այդ հնարավորությունները բաց են թողնվել, մի դեպքում՝ պատերազմի, այնուհետև՝ իշխանատենչության, իսկ հետո՝ նիհիլիզմի հաղթանակի պատճառով:

Մանրամասները՝ տեսանյութում:

Արամ Աբրահամյան