10.09.2026 | 23:04
ԿԳՄՍ նախարարը մանկավարժների հետ ոլորտային հարցեր է քննարկել
ՆԱՏՕ-ն Ուկրաինայի կողքին է և երբեք չի ճանաչի Ղրիմի անեքսիան. Սթոլթենբերգ
Քաղաքականություն
10.07.2017 | 17:31
Հյուսիսատլատնյան պայմանագրի կազմակերպությունը կանգնած է Ուկրաինայի կողքին և երբեք չի ճանաչի Ռուսաստանի կողմից Ղրիմի անեքսիան: Այս մասին հայտարարել է ՆԱՏՕ-ի գլխավոր քարտուղար Յենս Սթոլթենբերգը Կիևում Ուկրաինայի նախագահ Պյոտր Պորոշենկոյի մասնակցությամբ Ուկրաինա-ՆԱՏՕ հանձնաժողովի նիստի բացման ժամանակհայտնում է УНИАН-ը:
«Մենք գնահատում ենք վերջին երկու տասնամյակում դաշինքի աշխատանքներում Ուկրաինայի ներդրումը: Ուկրաինան միակ գործընկեր երկիրն է, որը մասնակցում է ՆԱՏՕ-ի բոլոր առաքելություններին և գործողություններին, այդ թվում՝ Աֆղանստանում և Կոսովոյում: Մենք նաև այստեղ ենք ձեր պետության ինքնիշխանությանը և տարածքային ամբողջականությանը մեր ամուր աջակցությունը ցույց տալու համար»,- ասել է ՆԱՏՕ-ի գլխավոր քարտուղարը:
«Դաշինքի երկրները չեն ճանաչում և երբեք չեն ճանաչի Ռուսաստանի կողմից Ղրիմի անօրինական անեքսիան»,- ընդգծել է ՆԱՏՕ-ի ղեկավարը:
