24.06.2026 | 23:13
Վստահ եմ, որ ամուր գործընկերությունը կշարունակի զարգանալ. ՊԵԿ նախագահը՝ ՎԶԵԲ ներկայացուցիչներին
Լոս Անջելեսի շրջանային վերահսկիչ խորհուրդն Ապրիլի 24-ը հռչակել է Հայոց ցեղասպանության հիշատակի օր
Քաղաքականություն
12.04.2024 | 20:52
ԱՄՆ Լոս Անջելեսի շրջանային վերահսկիչ խորհուրդը միաձայն հավանություն է տվել 2024 թվականի ապրիլի 24-ը Հայոց ցեղասպանության հիշատակի օր հռչակելու առաջարկին՝ ոգեկոչելու ավելի քան 1,5 միլիոն անմեղ կյանք խլած ոճրագործության 109-րդ տարելիցը, հայտնում է Mirror Spectator-ը։
Լոս Անջելեսի հինգերորդ շրջանի վերահսկիչ Քեթրին Բարգերը երկու միջնորդություն է ներկայացրել ապրիլի 9-ին կայացած վերահսկիչների խորհրդի նիստում: Առաջինը Հայոց ցեղասպանության զոհերի հիշատակի օրն էր։ Այս միջնորդությունը համահեղինակվել է Առաջին շրջանի վերահսկիչ Հիլդա Սոլիսի կողմից: Բացի այդ, Բարգերն առաջարկել է ապրիլը հռչակել Հայոց պատմության ամիս՝ ընդգծելով հարուստ մշակութային ժառանգությունն ու հայ համայնքի ներդրումը:
Խորհուրդն այս հայտարարությունն անում է ամեն տարի՝ սկսած 2017 թվականից։ Երկու միջնորդություններն ընդունվել են միաձայն։
«Կարծում եմ, որ կարևոր է մտածել և դասեր քաղել անցյալից։ Հայոց ցեղասպանությունը հիշելը մեր բազմազան համայնքներին հնարավորություն է տալիս հավաքականորեն ընդունել և սգալ ավելի քան 1,5 միլիոն անմեղ կյանքերի կորուստը: Այն շրջանը, որը ես ներկայացնում եմ, շրջանի հայերի և ամերիկահայերի ամենամեծ կենտրոնն է, ուստի այս հիշատակի օր հայտարարելը նաև նրանց մեծարում է: Նրանք տոկուն մարդիկ են՝ վճռական, կենտրոնացած և նվիրված»,- ասել է Քեթրին Բարգերը:
Հիլդա Սոլիսն էլ նշել է, որ հարգում են հայ ժողովրդի տոկունությունը, որը իր կյանքը վերակառուցել է ոչնչից, այդ թվում՝ Լոս Անջելեսում։
