15.05.2026 | 23:20
Հուլիսի 1-ից Երևան-Բուխարեստ նոր ուղիղ չվերթ կմեկնարկի
Ալիևի օգնականը հանդիպել է ԵՄ խորհրդի քաղաքական և անվտանգային հարցերով հանձնաժողովի անդամներին
Քաղաքականություն
12.04.2024 | 22:48
Ադրբեջանի նախագահ Իլհամ Ալիևի օգնական, աշխատակազմի արտաքին քաղաքականության բաժնի ղեկավար Հիքմեթ Հաջիևը հանդիպում է ունեցել Եվրամիության խորհրդի քաղաքական և անվտանգության հարցերով հանձնաժողովի անդամների հետ, գրում են ադրբեջանական լրատվամիջոցները։
«Համապարփակ և խորը քննարկում ունեցանք ԵՄ երկրների մշտական ներկայացուցիչների, դեսպանների հետ, որոնք հանդիսանում են Եվրոպական միության Քաղաքական և անվտանգության հարցերով հանձնաժողովի անդամ։ Շնորհակալ եմ հանձնաժողովի նախագահ Դելֆին Պրոնկին՝ հանդիպումը համատեղ անցկացնելու համար»,- գրել էՀաջիևը սոցցանցերի իր էջերում։
Ի դեպ, եվրոպական հանձնաժողովի անդամներն այցելել են նաև Արցախի Վարանդա։
Եվրոպական միության խորհրդի քաղաքական և անվտանգային հարցերով հանձնաժողովի պատվիրակությունն ավելի վաղ Հայաստանում էր հանդիպումներ անցկացրել, այդ թվում՝ ՀՀ վարչապետ Նիկոլ Փաշինյանի և ԱԳ նախարար Արարատ Միրզոյանի հետ։
