15.01.2025 | 23:34
Իսրայելն ու ՀԱՄԱՍ-ը հրադադարի համաձայնագիր են ստորագրել
Ադրբեջանն ընդդեմ ՀՀ-ի արբիտրաժի շրջանակում Հաագայում առաջին դատական նիստն է տեղի է ունեցել
Քաղաքականություն
12.04.2024 | 16:45
Միջպետական արբիտրաժի շրջանակում Հաագայի Խաղաղության պալատում տեղի է ունեցել Հայաստանի դեմ Ադրբեջանի հայցով առաջին դատական նիստը՝ «Եվրոպական վայրի բնության և բնական միջավայրերի պաշտպանության Բեռնի կոնվենցիայի» հիման վրա։ Այս մասին հայտնում է Ադրբեջանի ԱԳՆ-ն։
Բաքուն ՀՀ-ի հասցեին կեղծ մեղադրանքներ է հնչեցրել՝ Հայաստանից պահանջելով, իբր, «դադարեցնել Բեռնի կոնվենցիայի շարունակական խախտումները և շրջակա միջավայրի ոչնչացման համար ամբողջական փոխհատուցում վճարել»։
Հիշեցնենք՝ Ադրբեջանը 2023 թվականի փետրվարի 27-ին, Էներգետիկ խարտիայի համաձայնագրի համաձայն, միջպետական արբիտրաժային գործընթաց է սկսել Հայաստանի դեմ։ Ադրբեջանական կողմը Հայաստանին ներկայացրած արբիտրաժային ծանուցմամբ պահանջում է ֆինանսական փոխհատուցում 1991-2020 թվականներին էներգետիկ ռեսուրսների նկատմամբ Ադրբեջանի ինքնիշխան իրավունքների խախտման համար։ Բաքուն Հայաստանին մեղադրում է, իբր, էներգետիկ ռեսուրսների ապօրինի շահագործման մեջ։
Գործի առնչությամբ Միջազգային իրավական հարցերով ՀՀ ներկայացուցչի գրասենյակը հայտարարություն էր տարածել՝ նշելով, որ Լեռնային Ղարաբաղի հակամարտության վերաբերյալ Ադրբեջանի պնդումները որևէ առնչություն չունեն էներգետիկ ոլորտում ներդրումների և առևտրի հետ կապված Էներգետիկ խարտիայով նախատեսված պարտավորությունների հետ։
Էմմա Չոբանյան
