26.11.2024 | 18:42
Երեք ընդդիմադիր կուսակցություններ դիմել են Վրաստանի ԿԸՀ՝ իրենց պատգամավորական ցուցակները չեղարկելու համար
«Վեոլիա Ջուր»-ը տուգանվել է տասը միլիոն դրամի չափով. ՀԾԿՀ
Տնտեսություն
22.08.2018 | 13:13
«Վեոլիա Ջուր»-ը տուգանվել է տասը միլիոն դրամի չափով: Այս մասին տեղեկացնում է ՀՀ հանրային ծառայությունները կարգավորող հանձնաժողովը:
ՀՀ հանրային ծառայությունները կարգավորող հանձնաժողովը տուգանքը կիրառել է ջրամատակարարման և ջրահեռացման համակարգին նոր միացման կամ միացման փոփոխության գործընթացի իրականացման վերաբերյալ՝ 2017 թվականի 4-րդ և 2018 թվականի 1-ին եռամսյակների տեղեկատվությունների մոնիթորինգի, ինչպես նաև՝ քաղաքացիների և ընկերությունների բողոքների ուսումնասիրության արդյունքում, հանձնաժողովի 2016 թվականի նոյեմբերի 30-ի №378Ն որոշմամբ հաստատված, խմելու ջրի մատակարարման և ջրահեռացման (կեղտաջրերի մաքրման) ծառայությունների մատուցման Կանոններով սահմանված առավելագույն ժամկետները խախտելու համար:
Տուգանքի չափը սահմանելիս հաշվի է առնվել, որ նոր սպառողների միացման գործընթացի խախտումների համար ընկերությունը սույն թվականի ապրիլի 4-ի N109Ա որոշմամբ արդեն իսկ ենթարկվել էր տուգանքի՝ 5 000 000 դրամի չափով:
