07.10.2026 | 14:45
Արմավիրի մարզում հրդեհային անվտանգության խախտումների պատճառով 4 գազաբենզալցակայան կապարակնքվել է
Բելառուս իրավապաշտպան և Նոբելյան մրցանակակիր Ալես Բելյացկիի առողջական վիճակը բանտում վատթարացել է
Քաղաքականություն
10.04.2024 | 17:17
Բելառուս իրավապաշտպան, Խաղաղության Նոբելյան մրցանակի դափնեկիր Ալես Բելյացկիի կինը՝ Նատալյա Պինչուկը հայտնել է, որ իր ամուսնու առողջական վիճակը մեկուսարանում վատացել է։ Associated Press-ի հետ զրույցում Պինչուկը նշել է, որ վերջին վեց ամիսների ընթացքում 61-ամյա Բելյացկին գտնվում է մեկուսարանում՝ չնայած քրոնիկ հիվանդություններին։
«Բանտից ազատված մարդկանցից ես իմացա, որ Ալեսի վիճակը շարունակում է վատթարանալ, և նա չի ստանում իրեն անհրաժեշտ որոշ դեղամիջոցներ»,- ասել է կինը:
Նա ՄԱԿ-ին կոչ է արել «ավելի ակտիվ գործել» Բելյացկիին և Բելառուսի մյուս քաղբանտարկյալներին օգնելու համար։
Բելառուսական «Գարուն» իրավապաշտպան կենտրոնի ղեկավար Ալես Բելյացկին, կազմակերպության ևս 10 իրավապաշտպաններ ու նրա նախկին անդամներից երկուսը բերման են ենթարկվել 2021 թվականի հուլիսի 14-ին։ Նրանց դեմ քրեական գործ է հարուցվել խմբակային գործողություններ կազմակերպելու և ֆինանսավորելու, հասարակական կարգը կոպտորեն խախտելու, հարկերից խուսափելու մեղադրանքներով, սակայն դատաքննությունից չորս ամիս առաջ քննությունը մեղադրանքը վերաորակել է որպես «մաքսանենգություն» և «հասարակական կարգը խախտող գործողությունների ֆինանսավորում»։
