31.10.2024 | 23:28
PKK-ի բարձրաստիճան ղեկավարն Անկարայի հետ խաղաղության նոր գործընթացը կապում է Օջալանի «ֆիզիկական ազատության» հետ
Թուրքիան հերքում է Իսրայելի ռազմական ավիացիայի համար վառելիք մատակարարելու մասին լուրերը
Քաղաքականություն
10.04.2024 | 15:34
Թուրքիայի նախագահի աշխատակազմին առընթեր ապատեղեկատվության դեմ պայքարի կենտրոնը հերքում է սոցիալական ցանցերում մի շարք օգտատերերի տարածած այն պնդումները, թե Անկարան Իսրայելին ռազմական ավիացիայի համար վառելիք է մատակարարում, գրում են տեղական լրատվամիջոցները։
«Վառելիքը, որի մասին նշվում է, վերաբերում է ոչ թե Իսրայել ուղարկվողին, այլ Թուրքիայի օդանավակայաններում Իսրայելի քաղաքացիական ինքնաթիռների համար վառելիքին: Վառելիք ստացող բոլոր օդանավերը մարդատար ինքնաթիռներ են»,-ասվում է հայտարարության մեջ։
Նշվում է, թե Թուրքիայի էներգետիկ շուկան կարգավորող մարմնի տվյալները նույնպես հաստատում են, որ ավիավառելիքի վաճառքը կապ չունի իսրայելական ռազմական ինքնաթիռների հետ։
Ավելի վաղ Թուրքիայի ՊՆ-ն էր հայտարարություն տարածել՝ հերքելով տարածվող լուրերը, որ Անկարան զենքի առևտուր է անում Իսրայելի հետ։
Հիշեցնենք, որ նախօրեին Թուրքիայի առևտրի նախարարությունը հայտարարություն էր տարածել, ըստ որի՝ 2024 թվականի ապրիլի 9-ից Անկարան սահմանափակում է 54 խմբի ապրանքատեսակների արտահանումն Իսրայել։
