26.06.2026 | 15:20
Պեսկովը հայտարարել է, որ ԱՄՆ-ը բացարձակ չեզոք չէ Ուկրաինայի հակամարտության հարցում
Սիսիան-Տաթև ավտոճանապարհին բեռնատար է կողաշրջվել․ կա տուժած
08.04.2024 | 23:13
Ապրիլի 8-ին՝ ժամը 15:58-ին, Սյունիքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Շամբի ջրամբարի մոտակայքում տեղի է ունեցել ՃՏՊ. անհրաժեշտ է փրկարարների օգնությունը:
ՆԳՆ ՓԾ-ից տեղեկացնում են, որ դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:
Պարզվել է, որ Սիսիան-Տաթև ավտոճանապարհի 28-րդ կմ-ին «Scania» մակնիշի բեռնատարը (վարորդ՝ Յ․ Ղ․ Մ․ Ղ․, ծնված 1982 թ․) ճանապարհի երթևեկելի հատվածում կողաշրջվել է, առկա է վառելիքի արտահոսք․ ճանապարհը դարձել է միակողմանի երթևեկելի:
Մինչ փրկարարների կանչի վայր հասնելը՝ վարորդը տեղի ուժերով հոսպիտալացվել է բժշկական կենտրոն, որտեղ բժիշկները տուժածի առողջական վիճակը գնահատել են բավարար:
Փրկարարները հոսանքազրկել են բեռնատարը, դադարեցրել վառելիքի արտահոսքը և իրականացրել ավտոճանապարհի լվացման աշխատանքներ:
