14.10.2026 | 22:43
Հայաստանի մի շարք հասցեներում էլեկտրաէներգիայի անջատումներ կլինեն
ԲԴԽ-ի կողմից մշակել է ՀՀ-ում արդարադատության արդյունավետության համալիր բարելավման հայեցակարգ
Հասարակություն
21.08.2018 | 19:35
ՀԱՅԵՑԱԿԱՐԳ
Բարձրագույն դատական խորհրդի կողմից մշակվել է Հայաստանի Հանրապետությունում արդարադատության արդյունավետության համալիր բարելավման հայեցակարգ՝ հաշվի առնելով նաև միջազգային առաջադիմական փորձը: Այն ներառում է առկա հիմնախնդիրները, որոնց լուծումը հնարավորություն կտա.
- հնարավորինս բարձրացնել հանրային վստահությունն արդարադատության նկատմամբ,
- նախադրյալներ ստեղծել իրավունքի գերակայության սկզբունքի հետևողական իրացման համար,
- ներդնել առաջադիմական էլեկտրոնային արդարադատության ու մշտադիտարկման համակարգեր,
- արդարադատության ոլորտում նվազագույնի հասցնել կոռուպցիոն ռիսկերը,
- էապես կրճատել արդարադատության ծախսատարությունը,
- որակական փոփոխություններ իրականացնել դատարանի մատչելիության ու ողջամիտ ժամկետներում գործերի քննության հիմնարար սկզբունքների իրացման համար,
- ստեղծել դատավորների ու դատարանների գործառութային, կառուցակարգային, նյութական ու սոցիալական անկախության անհրաժեշտ ու բավարար երաշխիքներ,
- բարձրացնել դատական ծառայողների որակն ու պատասխանատվությունը:
Հայեցակարգի ծրագրային իրացման ուղղությամբ աշխատանքները շարունակվում են:
Հայեցակարգին կարելի է ծանոթանալ դատական իշխանության պաշտոնական կայքում (court.am)՝ հետևյալ հղմամբ:
Դատական դեպարտամենտի մամուլի և հասարակայնության հետ կապերի ծառայություն
