09.09.2026 | 23:17
Ինչ են քննարկել Փաշինյանը և Մակրոնը. Կառավարությունը մանրամասներ է ներկայացրել
Թուրքիայում իսրայելական հետախուզության հետ կապված 8 անձ է ձերբակալվել
Քաղաքականություն
05.04.2024 | 18:06
Թուրքիայում Իսրայելի հետախուզության համար աշխատող 8 մարդու են ձերբակալել, որից երկուսը կալանավորվել են։ Թուրքական լրատվամիջոցների հաղորդմամբ՝ այս մասին հայտնել է երկրի ներքին գործերի նախարար Ալի Երլիքայան։
Նա սոցիալական ցանցերում տարածված հայտարարության մեջ ասել է, որ հատուկ գործողությունն իրականացվել է Ստամբուլի նահանգային ոստիկանության վարչության ահաբեկչության դեմ պայքարի վարչությունը՝ Ստամբուլի գլխավոր դատախազության, MIT տնօրինության համակարգմամբ։
Ըստ նախարարի՝ պարզվել է, որ որոշ կասկածյալներ հանդիպումներ են ունեցել իսրայելական հետախուզության տարրերի հետ և Թուրքիայի հետախուզության թիրախում գտնվող մարդկանց ու ընկերությունների մասին իրենց հավաքած տեղեկությունները փոխանցել են իսրայելական հետախուզությանը։ Նա հայտնել է, որ 8 հոգի ձերբակալվել է Köstebek-3 գործողության արդյունքում։
Երլիքայան հայտնել է, որ 8-ից երկուսը կալանավորվել են, 6-ի նկատմամբ դատական հսկողության որոշում է կայացվել։
