21.02.2026 | 10:27
Ստեփանծմինդա-Լարս ավտոճանապարհը փակ է կցորդով բեռնատարների համար
ՊԵԿ-ում տեղի ունեցող լայնածավալ փոփոխությունների արդյունքում աշխատանքից ազատվել է Հովիկ Աբրահամյանի մեծահարուստ փեսան
Տնտեսություն
21.08.2018 | 14:46
Factor.am-ի տեղեկություններով՝ ՊԵԿ-ում տեղի ունեցող լայնածավալ փոփոխությունների արդյունքում աշխատանքից ազատվել է նախկին վարչապետ Հովիկ Աբրահամյանի մեծահարուստ փեսան՝ Վլադիմիր Թամրազյանը:
Նրա փոխարեն արևմտյան մաքսատան վարչության պետ է նշանակվել Մելքոն Աղաջանյանը, որը ՊԵԿ օպերատիվ հետախուզության վարչության պետի տեղակալն էր:
Ըստ համակարգի ներսում շրջանառվող լուրերի՝ Աղաջանյանը ոլորտի լավագույն մասնագետներից մեկն է, գիտակ ու բանիմաց կադր է:
ՊԵԿ-ի մեր աղբյուրների փոխանցմամբ՝ օգոստոսի 20-ին ՊԵԿ հարավային մաքսատուն-վարչության պետ է նշանակվել Արա Ավետիսյանը, որը 2001-2006թթ. եղել է ԼՂՀ ՆԳՆ 10-րդ բաժնի պետը, 2006-2007թթ.-ին` ԼՂՀ Ոստիկանության բարձրաստիճան պաշտոնատար անձանց անվտանգության ապահովման ծառայության պետը, իսկ 2007-2018թթ.-ին` ՀՀ-ում ԼՂՀ Ոստիկանության ներկայացուցիչը: Ավետիսյանը պարգևատրվել է ԼՂՀ «Մարտական խաչ» 2-րդ աստիճանի շքանշանով, «Շուշիի ազատագրման համար», «Մարշալ Բաղրամյան», «Մայրական երախտագիտության Արցախի քաջորդիներին» և այլ մեդալներով:
Աղավնի Սուքիասյան
