12.08.2026 | 00:10
«Արարատ-Արմենիան» դուրս մնաց Չեմպիոնների լիգայից. ՏԵՍԱՆՅՈՒԹ
Վրաստանի խորհրդարանն ընտրություններում կանանց քվոտաները վերացնող օրենք է ընդունել
Քաղաքականություն
04.04.2024 | 22:28
Վրաստանի խորհրդարանը երրորդ և վերջին ընթերցմամբ հավանության է արժանացրել օրենքը, որը վերացնում է խորհրդարանական ընտրություններում կուսակցական ցուցակներում կանանց քվոտաները։ Խորհրդարանի նիստը հեռարձակվում է օրենսդիր մարմնի կայքում։
Քվեարկության արդյունքներով՝ 76 ձայն քվոտայով ընտրական օրենսգրքի փոփոխություններին կողմ է քվեարկել 85, դեմ՝ 22 պատգամավոր։
Օրենսդրական նախաձեռնության հեղինակն ընդդիմադիր «Գիրչի» քաղաքական խումբն է։
Ընտրական օրենսգրքի գործող հոդվածի համաձայն՝ խորհրդարանական ընտրություններին մասնակցող քաղաքական ուժերի կուսակցական ցուցակներում պատգամավորի յուրաքանչյուր չորս թեկնածուների հետ պետք է լինի առնվազն մեկ կին։
Նախաձեռնողների խոսքով՝ Վրաստանում կանայք իրենց քաղաքական կարիերայում որևէ խոչընդոտ չեն ունենում և հատուկ քվոտա չեն պահանջում։ Իսկ օրենսդրության մեջ քվոտայի առկայությունը վկայում է այն մասին, որ երկրում կանայք, իբր, ճնշված են։
Օրինագիծը քննարկվել է արագացված կարգով։
